ފިތުރު ޢީދު ނިމެންދެން ވިލިމާލެ ބަގީ ރޫޓުގައި ކުރާ ދަތުރުތައް ހިލޭ ވާނެކަމަށް މާލެ ސިޓީ ކައުންސިލްއިން ހާމަކޮށްފިއެވެ.
މާލެ ސިޓީގެ މޭޔަރު ޑރ މުހައްމަދު މުއިއްޒު ކުރައްވފާައިވާ ޓްވީޓެއްގައި ހާމަކޮށްފައިވާ ގޮތުގައި ވިލިމާލޭގައި ކައުންސިލުން ދުއްވާ ބަގީތައް ބުރާސްފަސތި ދުވަހު ވިލިމާލެއަށް ގެންދެވޭނެކަމަށާއޮ، އޭގެ ހަފްތާއެއް ފަހުން މާރޗް 16 ވާ ބުރާސްފަތި ދުވަހު ބަގީގެ ޙިދުމަތް ފެށޭނެކަމަށް ހާމަކޮށްފައިވެއެވެ.
އަދި ބަގީގެ ޙިދުމަތް ފެށުމުގެ ގޮތުން ފިތުރު ޢީދާއި ހަމައަށް ބަގީ ރޫޓްގެ ޙިދުމަތް މުޅިން ހިލޭ ދެވޭނެކަަމަށާއި ނަމަވެސް އަމިއްލަ ފަރާތްތަކުން ކުއްޔަށް ނަގާ ބަގީ ނުވަތަ ޕްރައިވެޓް ހަޔަރއަށް ބޭނުންކުރާ ބަގީތަކަކަށް ފައިސާ ދައްކަން ޖެހޭނެކަމަށް ބުނެފައިވެއެވެ.
މާލޭ ސިޓީ ކައުންސިލުން ވިލިމާލޭގައި ފެށުމަށް ހަމަޖެހިފައިވާ ބަގީގެ ޚިދުމަތަށް އެ ކައުންސިލުން ވަނީ ހެޔޮ އަގުތަކެއް ކަނޑައަޅާފައެވެއެވެ.
ބަގީގެ ރޫޓުން ކުރާ ކޮންމެ ދަތުރަކަށް ނަގާނީ ދެ ރުފިޔާގެ ފީއެކެވެ. އެހެންނަމަވެސް ބަގީ "ޕްރައިވެޓް ހަޔާ"ގެ ގޮތުގައި ނަގާނަމަ އަގު ތަފާތު ވާނެއެވެ. އެގޮތުން ޕްރައިވެޓް ހަޔާގެ ގޮތުގައި ބަގީ ނަގާނަމަ އަގުތަކަކީ:
- 4 ސީޓްގެ ބަގީއަކަށް 6 ރުފިޔާ
- 6 ސީޓްގެ ބަގީއަކަށް 10 ރުފިޔާ
- 12 ސީޓްގެ ބަގީއަކަށް 15 ރުފިޔާ
އަދި، ހަ އަހަރުން ދަށުގެ ކުޑަކުދިންނާއި 65 އަހަރުން މަތީގެ ބޭފުޅުންނާއި އެންސްޕާގައި ރެޖިސްޓާ ވެފައިވާ ނުކުޅެދުންތެރިކަން ހުންނަ ފަރާތްތަކާއި ސްކޫލް ޔުނިފޯމްގައި ދަތުރުކުރާ ދަރިވަރުންނަށް ހިލޭ ބަގީގައި ދަތުރުކުރެވޭނެއެވެ.
