ޖުމްހޫރީ ޕާޓީގެ ލީޑަރު ޤާސިމް އިބްރާހީމާ ބައްދަލުކުރެއްވުމަށްފަހު ޢަދާލަތު ޕާޓީގެ ރައީސް އަދި މިހާރުގެ ހޯމް މިނިސްޓަރ އިމްރާން އަބްދުﷲ ގެ އިތުބާރު ޤާސިމަށް އޮތްކަން ހާމަކުރައްވައިފިއެވެ.
އަންނަ ރިޔާސީ އިންތިހާބުގެ ކަންކަންކަމާމެދު ގާސިމް ނިންމަވާ ގޮތަކީ ގައުމަށްޓަކައި ނިންމަވާނެ ގޮތެއްކަމަށް ވާނެކަމަށާ، ޤާސިމް ނިންމަވާނީ އެންމެރަނގަޅަށް ކަމަށް އިމްރާން ވަނީ ވިދާޅުވެފައެވެ.
އިމްރާން ވަނީ ސަން އައިލެންޑް ރިސޯޓުގައި ގާސިމާ ބައްދަލުކުރައްވައި މަޝްވަރާކުރައްވާފައެވެ. އެހެންނަމަވެސް އެބައްދަލުވުމުގެ ތަފްސީލެއް ދެބޭފުޅުންގެ ފަރާތުންވެސް ހާމައެއް ނުކުރައްވައެވެ. އެހެންނަމަވެސް އިމްރާންވަނީ ޓްވީޓެއް ކުރައްވާފައެވެ. އިމްރާންގެ ޓްވީޓެއްގައި ވިދާޅުވެފައިވަނީ ގާސިމް ރިޔާސީ އިންތިހާއި މެދު ގޮތެއް ނިންމަވާނީ ގައުމުގެ ހަމަޖެހުމާއި ރައްޔިތުންގެ މަސްލަހަތައް ވަރަށް ބޮޑަށް ވިސްނާފައިކަމާމެދު އޭނާގެ ހިތުގައި އެއްވެސް ޝައްކަތެއް ނެތްކަމަށެވެ.
Jumhooree party @Jumhooree_MV ge leader Qasim ibrahim riyasee inthikhaba medhu gotheh ninmavaanee qaumuge hama jehuma rayyithunge maslahathah v bodah visnaavadaigenfai kamaa medhu alhugadu shahkeh nukuran.
— Imran Abdulla (@ShimranAb) March 6, 2023
އަންނަ ރިޔާސީ އިންތިހާބުގައި މިހާރުގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހާއެކު އެމްޑީޕީއާ ކޯލިޝަން ހެދުމަށް އަދާލަތު ޕާޓީން ވަނީ ނިންމާފައެވެ. މިފަހަރުގެ ރިޔާސީ އިންތިޚާބުގައި އެމްޑީޕީއާ ކޯލިޝަން ހަދަން އެންމެފުރަތަމަ ނިންމީވެސް އިމްރާނުގެ އަދާލަތުންނެވެ. އެހެންނަމަވެސް އަދާލަތާއި ޖުމްހޫރީ ޕާޓީއަކީ އަބަދުވެސް ގާތްގުޅުމެއް އޮންނަ ދެޕާޓީއެވެ. ސިޔާސީގޮތުން މިހާތަނަށް އަދާލަތުން ނިންމި މިފަދަ ކަންކަމުގައި ބޮޑަށް ބުރަވެފައިވަނީ ޖުމްހޫރީ ޕާޓީއާއި ޤާސިމްގެ ފަޅިއަށެވެ. އެހެންކަމުން މިފަހަރުވެސް ޤާސިމް ނިންމަވާ ގޮތަކަށް ޢަދާތަލުން ދީލާލުމުގެ ފުރުސަތު އަދިވެސް ބޮޑުކަމަށް ބައެއް ފަރާތްތަކުން ދެކެއެވެ.
