އެތައް މަސައްކަތެއް ކުރުމަށްފަހުވެސް، އެ އިތުރުވި ދެތިން ކިލޯ ބަރުދަނުގައި ތާށިވެ، ހަށިގަނޑުން އިތުރު ކިލޯތައް ކަނޑާނުލެވޭހެއްޔެވެ؟ ބަރުދަން ލުއިކުރުމަކީ ކެނޑިނޭޅި މަސައްކަތް ކުރަން ޖެހޭ ވަރަށް ބޮޑު މަސައްކަތެކެވެ. ބަރުދަން ލުއިކުރުމުގައި މެޓަބޮލިޒަމް އާއި ކެއުމަށް ސަމާލުކަން ދިނުމަކީ ވަރަށް މުހިންމު ކަމެކެވެ.

މަޑުމަޑުން ބަރުދަން ލުއިކުރުމުގެ މަރުހަލާއަށް ހުރަސް އެޅޭއިރު، ހަށިގަނޑުގައި ވިހަ އުފެދުމަކީ ބަރުދަން ލުއިކުރުމަށް އުނދަގޫވާ އަނެއް ކަމެކެވެ. ބޮޑީ ޑިޓޮކްސިފިކޭޝަނަކީހަށިގަނޑަށް ގެއްލުންހުރި ވިހަ މާއްދާތަށް ނައްތާލުމަށް އެންމެ ރަނގަޅު ގޮތެވެ.

ވިހަ މާއްދާތައް ބޭރުކުރުމަށް އެހީތެރިވެދީ، މެޓަބޮލިޒަމް ވަރުގަދަކޮށް، ބަރުދަން ލުއިކުރުމަށް އެހީތެރިވެދޭނެ ޑިޓޮކްސް ބުއިންތަކުގެ ލިސްޓަކަށް ބަލައިލާނަމަވެ. ހަށިގަނޑު ސާފުކޮށް އިތުރު ކިލޯތައް ލުއިކުރުމަށް މި ޑިޓޮކްސް ބުއިންތައް ޓްރައި ކޮށްލާށެވެ.

އޭބީސީ ސްމޫތީ 

އޭގެ ތެރެއިން އެންމެ ރަނގަޅު، އެންމެ ހަރުދަނާ އަދި ފަސޭހައިން ތައްޔާރު ކުރެވޭ ޑިޓޮކްސް ޑްރިންކަކީ އޭބީސީ (އެޕަލް، ބީޓްރޫޓް އަދި ކެރެޓް) ސުމޫތީއެވެ. އޭބީސީ ޖޫހަކީ ހައިޑްރޭޝަން ޕްރޮމޯޓްކޮށް، ހަކަތައިގެ މިންވަރު އިތުރުކޮށްދޭ، ހަންގަނޑު ލުއިކޮށްދީ ހަޖަމުކުރުމުގެ ސިއްހަތު ވަރުގަދަކޮށްދޭ ބުއިމެކެވެ. ބީޓްރޫޓްސް އަކީ އެންޓިއޮކްސިޑެންޓްތަކުން މުއްސަނދިވެފައިވާ އެއްޗެކެވެ. މިއީ ލިވާގައި ހުންނަ ސެލްތައް ސްޓިމިއުލޭޓްކޮށް، ލިވާގައި ވިހަ މާއްދާތައް އުފެދުން މަދުކޮށްދޭ އެއްޗެކެވެ.  ނިއުޓްރިޝަނަލް ޕްރޮފައިލް މަތިކޮށް އެންމެ ބޮޑު ފައިދާއެއް ހޯދުމުގެ ގޮތުން މި ބުއިމަށް އިނގުރު އަދި ލުނބޯ ޖޫސްކޮޅެއް އަޅާލާށެވެ.

ލެޓިއުސް، މިންޓް، ކަރާ އަދި ސްޕިނެޗް ޑިޓޮކްސް ޑްރިންކް

ފެހި ކުލައިގެ މި ޑިޓޮކްސް ބުއިމަކީ ރަހަ ނުބައި ކަމުގައިވިސް ސިއްހަތަށް ޖާދުވީ ޕޮޝަންއެކެވެ. ގިނަ އަދަދެއްގެ ޒަރޫރީ ނިއުޓްރިއެންޓްސް އެކުލެވިގެންވާ މި ސްމޫތީއަކީ ވަރަށް ބޮޑަށް ހައިޑްރޭޓްކޮށް، ފައިބަރުން ފުރިގެންވާ އަދި ހަޖަމުކުރުމަށް ލުޔެއް ދީ، ހަށިގަނޑުން އިތުރު ބަރުދަން ތައް ބޭރުކުރުމަށް އެހީތެރިވެދޭ އެއްޗެކެވެ. ރަނގަޅު ނަތީޖާއެއް ހޯދުމަށް ކޮންމެ ދުވަހަކު ވެސް މި ބުއިން ބޭނުން ކުރާށެވެ.

ސިނަމަން އަދި ލެމަން ޑިޓޮކްސް ޑްރިންކް

ސިނަމަން އަކީ ހަށިގަނޑުގައި ހުންނަ ވިހަ މާއްދާތަކަށް އަލްވަދާއު ކިޔަން ވަރަށް މުހިއްމު މާއްދާއެއްގެ ގޮތުގަ ބޭނުން ކުރާއެއްޗެކެވެ. ސިނަމަންއަކީ ތަރމޯޖެނެސިސް (ހަށިގަނޑުގެ ހޫނުކަން އުފެއްދުމުގެ ޤާބިލުކަން) 20 އިންސައްތަ އިތުރުކޮށް، ކެއުމާއި ބަނޑުހައިހޫނުކަން އިތުރަށް ދަށްކޮށްދޭ އެއްޗެކެވެ. ލުނބޯގައި ހިމެނޭ ވިޓަމިން ސީ އާއި ޕެކްޓިން އަކީ ހަށިގަނޑު ޑީޓޮކްސިފައި ކުރުމަށް އެހީތެރިވެދޭ އެއްޗެކެވެ. ހުރިހާ އެއްޗެއް އެއްކޮށްލުމަށްފަހު ރަނގަޅު ނަތީޖާއެއް ހޯދުމަށް ހެނދުނު ހުސްބަނޑާ ބޯލާށެވެ.

ޗިއާ ސީޑްސް އަދި މިންޓް ޑިޓޮކްސް ޑްރިންކް

ޗިއާ ސީޑްސް އަކީ ވަރަށް ގިނަ އަހަރުތަކެއް ވަންދެން ލައިމްލައިޓްގައި ހުރި އެއްޗެކެވެ. ފައިބަރު، އޮމެގާ3، އެންޓިއޮކްސިޑެންޓް، ދަގަނޑު އަދި ކެލްސިއަމް ރަނގަޅު މިންވަރަކަށް އެކުލެވިގެންވާ، ޗިއާ ސީޑްސް ކެއުމުން ބަނޑުހައިހޫނުކަން ކުޑަވެ، ބަރުދަން ލުއިކުރުން އަވަސްވެ، ހަށިގަނޑުން ވިހަ މާއްދާތައް ބޭރުކުރުމަށް އެހީތެރިވެދެއެވެ. ލުނބޯ އާއި މިންޓް ކޮޅަކާއިއެކު ތައްޔާރުކޮށްލުމުން ނިއުޓްރިޝަނަލް ޕްރޮފައިލް އިތުރުވެ، ރަހަ އިތުރުވެ މެޓަބޮލިޒަމް ވަރުގަދަކޮށްދެ އެވެ.

ހަށިގަނޑު ރަނގަޅަށް ސާފުކުރުމަށް މީގެ ޑިޓޮކްސް ޑްރިންކްތައް ޓްރައި ކޮށްލާށެވެ!