އައްޑޫން މާލެ އައި މީހަކު ގެއްލިގެން ހޯދަން ފަށައިފިއެވެ.
ގެއްލިގެން ހޯދަނީ ސ. ހުޅުދޫ، ސަަނީ ލޮޖް، އަލީ އާރިފް 31 އެވެ. އޮންލައިން ނޫސް މިހާރަށް އޭނާގެ ބޭބެ ބުނެފައިވަނީ ކަންނެލި ދޯންޏެއްގައި މަސައްކަތް ކުރާ އާރިފް އެންމެ ފަހުން އާއިލާ އަށް ގުޅީ މާލޭގައި ހުރެ، މިދިޔަ އަހަރުގެ ނޮވެމްބަރު 20 ގައި ކަމަށެވެ.
އޭގެ ފަހުން ޝަކީލްގެ ޚަބަރެއް ނުވާ ކަމަށާއި އުޅޭ ތަނެއް ވެސް ނޭނގޭ ކަމަށް ބޭބެ ބުންޏެވެ. އެކަމަކު އޭނާ ގެއްލިގެން ފުލުހުންނަށް ހުށަހެޅީ މީގެ ދެ ހަފުތާ ކުރިންނެވެ. އޭނާ ބުނިގޮތުގައި، އާރީފް މީގެ ކުރިން، މިހާ ގިނަ ދުވަސް ވަންދެން އާއިލާ އަށް ނުގުޅައެއް ނުހުރެއެވެ.
ޝަކީލް ބުނީ، އާރިފް މަސައްކަތް ކުރި ކަންނެލި ދޯންޏަށް ގުޅުމަށް ވެސް މަސައްކަތް ކުރި ކަމަށެވެ. އެކަމަކު، އާރިފަކީ އަކީ އެއް ދޯނިން އަނެއް ދޯންޏަށް ވަރަށް އަވަސް އަވަހަަށް ބަދަލުވާ މީހަކަށް ވާތީ އެންމެ ފަހުން އުޅުނީ ކޮން ދޯންޏެއްގައިކަން ނޭނގޭތީ އެކަން ކާމިޔާބު ނުވި ކަމަށެވެ.
މިމައްސަލާގައި މިހާތަނަށް އަދި ފުލުހުން ވަކި އެއްޗެއް ބުނެފައިނުވެއެވެ. ރާއްޖެއިން ވީނުވީއެއް ނޭގި މީހުން ގެއްލޭ މައްސަލައަކީ މިހާރު ވަރަށް ގިނަ ބައެއްގެ ކަންބޮޑުވުން އޮތް ބޮޑު މައްސަލައެވެ. މިކަން ބަލައި ދިނުމަށް މަޖިލީހަށް ކުއްލި މައްސަލައެއްވެސް ހުށަހެޅުނެވެ. ނަމަވެސް އެމައްސަލަ ބަލައިގަނެ ބަހުސް ކުރަން ފާސްވެފައި ނުވެއެވެ.
2 Responses
ޚަބަރު ޕަބްލިޝްކުރުމުގެ ކުރިން ޕްރޫފް ރީޑްކުރޭތ؟ އާރިފު ގެއްލިގެން އުޅެނީ، ޝަކީލުގެ ޚަބަރެއް ނުވަނީ. ކިހިނެއް މިވަނީ.
ގެއްލުނީ އާރިފެއްކަމެއް އަހައްމަދެއް ކަމެއް ނޭގުނު މި ލިޔުން ޚިޔާ ނިމުނުއިރު.