އަންނަމަހު ރާއްޖޭގެ 9 ސަރަހައްދެއްގައި އެގްރޯނެޓުގެ ޑިސްޓްރިބިއުޝަން ސެންޓަރުތައް ހުޅުވާނެކަމަށް އެކުންފުނިން ބުނެފިއެވެ.
މިއީ ރާއްޖޭގެ ދަނޑުވެރިން އުފައްދާ ދަނޑުވެރިކަމުގެ ބާވަތްތައް ތާޒާކަމާއެކު ގަންނަ ފަރާތްތަކާ ހަމައަށް ފޯރުކޮށްދިނުމަށްޓަކައިކުރިއަށްގެންދާ މަޝްރޫއެއްކަމަށް އެގްރޯނެޓުން ވިދާޅުވެއެވެ.
މިއީ ޒަމާނީ ފެންވަރަށް ތަރައްޤީކުރާ ސެންޓަރުތަކެކެވެ. މިއިން ކޮންމެ ސެންޓަރެއްގައި ދަނޑުވެރިކަމުގެ ތަކެތި ހަލާކުނުވެ ހުންނާނެހެން ބެހެއްޓުމަށް ކޯލްޑް ސްޓޯރޭޖާއި ޑްރައިޑް ސްޓޯރ ފެސިލިޓީތައް ހުންނާނެކަމަށާ، މިއީ ތިމާވެއްޓާ ރައްޓެހި ގޮތަކަށް ކުރިއަށްގެންދާ ސެންޓަރުތަކެއްކަމަށް އެގްރޯނެޓުން ވިދާޅުވެއެވެ. މިތަންތަނަށް ކަރަންޓޮ ފޯރުކޮށްދޭނީވެސް ސޯލާ ހަކަތައިން ކަމަށްވެސް އެގްރޯނެޓުން ވިދާޅުވެއެވެ.
އެގްރޯނެޓުގެ ޑިސްޓްރިބިއުޝަން ސެންޓަރުތައް ހަދަނީ ލ.ގަން، ނ. މަނަދޫ، ރ. ކިނޮޅަސް، ފ.މަގޫދޫ، ލ.އިސްދޫ، ލ.ކަލައިދޫ، ގއ.ނިލަންދޫ، ޏ.ފުވައްމުލައް، ސ.ހުޅުމީދޫ، މިރަށްރަށުގައެވެ.
