ޝެއިހް އަލީ ޒައިދުގެ އަލްބަމެއް ކަމުގައިވާ "ކައިވެނި" އަލްބަމް މިރޭ ރިލީޒް ކޮށްފިއެވެ.
ޒައިދުގެ ކައިވެނި އަލްބަމްނެރެދެއްވީ އިސްލާމިކް މިނިސްޓަރ ޑރ.އަހުމަދު ޒާހިރުއެވެ. އަލްބަމް ނެރުމަށް ބޭއްވި މިހަފްލާގައި ދީނީ ބައެއް އިލްމުވެރިންނާއި، މިއަލްބަމަށް މަދަހަ ވިދާޅުވި ލެއްވި ބޭފުޅުން ވަނީ ބައިވެރިވެފައެވެ.
މި އަލްބަމްގައި ޖުމްލަ 16 މަދަހަ ހިމެނޭނެއެވެ. މި މަދަހަތައް އޭގެ ޔޫޓިއުބް ޗެނެލް މެދުވެރިކޮށް ވެސް އަޑު އަހައި ލެވޭނެއެވެ. މީ ޒައިދު ނެރޭ ފުރަތަމަ އަލްބަމެވެ. ކައިވެނި ހަފްލާތަކުގައި ޖެހުމަށް، ކައިވެނީ އުފާވެރިކަން އިހުސާސް ކުރުމަށް މިއީ ތާރައާ އެކީ ތައްޔާރުކުރި ފުރަތަމަ އަލްބަމް ކަމަށް ވެސް ޒައިދު ވިދާޅުވިއެވެ.
Kaiveni Album Released!
الحمد للهhttps://t.co/msW4kRrOXc pic.twitter.com/JflrxqIkz2— Ali Zaid (@alizaid1000) February 18, 2023
ރާއްޖޭގެ ފުންނާބު އުސް ފަންނާނުން ތަކެއް ކިޔައިފައިވާ މި މަދަ އަލްބަމްގެ ހުރިހާ މަދަހެއް ވެސް ޒައިދު ކޮމްޕޯޒްކުރެއްވި އިރު، އޭނާގެ އަޑުވެސް އަލްބަމުން އިވިގެން ދާނެއެވެ.
"ކައިވެނީ" ގެ މަދަހަތައް ކިޔާފައިވާ ފަންނާނުންގެ ތެރޭގައި ޝަލަބީ އިބްރާހީމް، މުހައްމަދު އަބްދުލް ޢަނީ (ތޭރަވާ)، އިބްރާހީމް ޒައިދު އަލީ (ކުޑައިއްބެ) އަދި ހުސައިން އަލީ ހިމެނެއެވެ. މިއަލްބަމަކީ އަލް-ކައުން އާއި ކުޑައިއްބެގެ ޓޮނިކް ލައިވް ސްޓޫޑިއޯ ގުޅިގެން އުފައްދައިފައިވާ އަލްބަމެކެވެ.
ކޮމެންޓު ފޮނުވާ