ކޮންމެ ނިއުޓްރިއެންޓަކީ ވެސް ރަނގަޅަށް ބެލެންސްޑް ޑައެޓެއްގެ ގޮތުގައި އެކަށީގެންވާ މިންވަރަކަށް ބޭނުންކުރަން ޖެހޭ އެއްޗެކެވެ. ލޯ ކާބް، ހައި ޕްރޮޓީން ޑައިޓަކީ ބަރުދަން މެނޭޖްކުރުމަށް ނުވަތަ ލޭގައި ހަކުރު ހުންނަ މިންވަރު ބެލެހެއްޓުމަށް އެހީތެރިވެދޭނެ ކާނާއެކެވެ. މި ތިއަރީއަކީ ކާބް ކެއުން މަދުކުރުމުން އިންސިއުލިން ލެވެލް ދަށްވެ ނަތީޖާއެއްގެ ގޮތުން ހަށިގަނޑުގައި އިތުރު ގްލޫކަގަން އުފައްދައި، ފެޓް އަންދާލުމަށް އެހީތެރިވެދިނުމެވެ. މިގޮތަށް ކުރިއަށް ދާނަމަ އެންމެ ފަހުން ފެޓް ފިހެލާހެން ހީވެއެވެ.
މީގެ އިތުރުން ދިރާސާތަކުން ދައްކާ ގޮތުގައި ޕްރޮޓީން ގިނަ ކާނާ އާއި ގަވާއިދުން ކަސްރަތު ކުރުމަކީ ފެޓް މަދުކޮށްދޭ އަދި ލީން މަސްތައް އިތުރުކޮށްދޭ ކަމެކެވެ. ހަށިގަނޑަށް ހަކަތަ ލިބޭ މައިގަނޑު ވަސީލަތެއްގެ ގޮތުގައި ބޭނުންކުރަނީ އާދައިގެ ނުވަތަ ކޮމްޕްލެކްސް ކާބޯހައިޑްރޭޓްސް އެވެ.
މި ބަލާލަނީ ލޯ ކާބް އަދި މަތީ މިންވަރަކަށް ޕްރޮޓީން ހިމެނޭ ހަތަރު ކާނާއަށެވެ. މީގެ ސަބަބުން ފުރިފައި ހުރުމާއި، ބަނޑުހައިހޫނުކަން ކޮންޓްރޯލްކޮށް، ބަރުދަން ދެމެހެއްޓުމަށް އެހީތެރިވެދެއެވެ.
ގްރީކް ޔޯގަޓް
ގްރީކް ޔޯގަޓަކީ ކެއުމަށް ބޭނުންވާ މިންވަރު ކޮންޓްރޯލްކުރުމަށް އެހީތެރިވެދޭ އަދި ޕްރޮޓީން ލިއްބައިދޭ ވަރަށް ރަނގަޅު ފަސޭހަ ފިހާރަތަކުގެ ހަރުން ލިބެން ހުންނަ އެއްޗެކެވެ. މީގެ އިތުރުން ގްރީކް ޔޯގަޓްގެ ސަބަބުން ބަނޑުގެ ބަލްޖާއި ދެކޮޅަށް ކުރާ މަސައްކަތަށް އެހީތެރިވެދެއެވެ. ކެލްސިއަމް، ޕްރޮޓީން، ޕްރޮބަޔޮޓިކްސް އަދި ހަށިގަނޑަށް ފައިދާހުރި އެހެނިހެން މާއްދާތައް އެކުލެވިގެންވާތީ، ހާއްސަކޮށް ބަނޑުގެ ދުޅަހެޔޮކަމަށް ފައިދާހުރި މާއްދާތަކެއް އޭގައި އެކުލެވިގެންވާތީ، އާންމުގޮތެއްގައި ޔޯގަޓަކީ ރަނގަޅު އެއްޗެކެވެ.
ސަންފްލާވާ ސީޑް
ސަންފްލާވާ ގެ އޮން ނުވަތަ އާންމު ކޮށް ނަމަ ސަންފްލާވާ ސީޑްއަކީ ޕްރޮޓީން، ފައިބަރު އަދި ވިޓަމިން އީ، ފޯލޭޓް އަދި ކޮޕަރ ފަދަ މުހިންމު މިނަރަލްސް ތައް އެކުލެވިގެންވާ އެއްޗެކެވެ. ދުޅަހެޔޮ ސިއްހަތެއްގައި ބަރުދަން ލުއިކުރުމަށް ސަންފްލާވާ ސީޑްއަކީ އެންމެ ރަނގަޅު ޗޮއިސްއެކެވެ. އަދި ނާސްތާއެއްގެ ގޮތުގައި ތަރުކާރީގެ މައްޗަށް އުކާލެވިދާނެ ނުވަތަ ސެލެޑް، ކްރީމް ފަދަ އެއްޗެހީގެ ތެރެއަށް އެއްކޮށްލެވޭނެ އެވެ. ސަންފްލާވާ ސީޑްގައި ހިމެނޭ ފާހަގަކޮށްލެވޭ އެންޓިއޮކްސިޑެންޓްތަކަކީ ޑިމެންޝިއާ ޖެހުމުގެ ފުރުޞަތު ކުޑަވުމުގެ އިތުރުން ކޮގްނިޓިވް އަދި އޯވަރޯލް ސިއްހަތު ރަނގަޅުވުމާއި ގުޅިފައިވާ މާއްދާތަކެކެވެ.
ޗިކްޕީސް
ޗިކްޕީސް ފާހަގަކޮށްލެވެނީ ނިއުޓްރިޝަނަލް ކޮމްޕޮޒިޝަނެއްގެ ގޮތުގައިއެވެ. މީގައި ޕްރޮޓީން އާއި ފައިބަރުގެ މިންވަރު ގިނަވުމަކީ ބަރުދަން ލުއިކުރުމަށް އެހީތެރިވެދޭ އެއްޗެކެވެ. މި ދެ މާއްދާގެ ސަބަބުން ހަޖަމުވުން މަޑުކޮށްދީ، ބަނޑުހައިހޫނުކަން މަދުކޮށްދެއެވެ. މީގެ އިތުރުން މީ ކަންމަތީ ފިހާރައިންވެސް ލިބެން ހުންނަ އެއްޗެކެވެ. ދަޅުގައި ބަންދު ކޮށްފައިވާ ޗިކްޕީސް ގެނެސް އަވަނުން ފިހެލުމުން ވަރަށް މުރަނަވެފައި އަގަޔަށް މީރުވާނެއެވެ. ނާސްތާއެއްގެ ގޮތުގައި ވެސް މި ބޭނުން ކުރެވިދާނެއެވެ.
ހަށިގަނޑަށް އަޅައިލައި ރަނަގޅު ސިއްހަތަކަށް މިފަދަ ރަނގަޅު އަދި ފަސޭހައި ލިބޭ ކާނާ ކޮންމެ ދުވަހެއްގެ ކެއުމުގައި ހިމެނުން މުހިންމެވެ. އަދި ހާއްސަކޮށް ހިކެން ބޭނުން ވާ މީހުންގެ ޑައިޓްގައި މި އެއްޗެހި ހިމެނުން މުހިންމެވެ. މިފަދަ ކާނާގައި ހަށިގަނޑަށް ބޭނުންވާ މުހިއްމު ނިއުޓްރިއަންޓްސް އާއި ވިޓަމިންސް ހިމެނެ އެވެ.
