ސްޕެނިޝްގެ ރެއާލް މެޑްރިޑުން ފީފާ ކްލަބް ވަރލްޑްކަޕް 5 ވަނަ ފަހަރަށް ކާމިޔާބުކޮށްފިއެވެ.
ފީފާ ކްލަބް ވަރލްޑްކަޕް ކާމިޔާބުކުރީ ފައިނަލްގައި 5-3 ން އޭޝިޔާގެ ޗެމްޕިއަން އަލް ހިލާލް ބަލިކޮށްގެންނެވެ. ފައިނަލް މެޗުގައި ރެއާލްގެ ބްރެޒިލް ފޯވާޑް ވިނީޝިއުސް ޖޫނިއަރއާއި ވަލްވާޑޭ ކުރެ ކޮންމެ ކުޅުންތެރިއަކު ދެ ލަނޑު ޖެހިއެވެ. އަދި ދެން ލަނޑުޖެހީ ކެޕްޓަން ބެންޒެމާއެވެ. ރެއާލްގެ ފުރަތަމަ ލަނޑު ޖަހަން ވިނީޝިއުސް ޖޫނިއަރއަށް ފުރުޞަތު ތަނަވަސްކޮށްދިނީ ބެންޒެމާއެވެ. އަދި ބެންޒެމާ ލަނޑުޖަހަން ފުރުޞަތު ތަނަވަސްކޮށްދިނީ ވިނީޝިއުސް ޖޫނިއާއެވެ.
ސައުދީ އަރަބިޔާގެ އަލް ހިލާލްގެ ތިން ގޯލް ޖެހީ މަރޭގާއާއި, ވިއޭޓޯއެވެ. ވިއޭޓޯ ދެ ގޯލް ޖެހިއެވެ. ވިއެޓޯއަކީ ކުރިން ޕްރިމިއަރ ލީގުގެ ފުލަމްއަށް ކުޅުނު ކުޅުންތެރިއެކެވެ.
ފީފާ އިން 2005 ވަނަ އަހަރު ފެށި، ކްލަބް ވޯލްޑް ކަޕްގެ ތަށި އެންމެ ގިނަ ފަހަރު ހޯދުމުގެ ރެކޯޑް އޮތީ ވެސް ރެއާލް އަތުގަ އެވެ. ރެއާލުން މި ވަނީ 2014، 2016، 2017، 2018 އަދި 2023 ވަނަ އަހަރު ކްލަބް ވޯލްޑް ކަޕްގެ ތަށި އުފުލާލައިފައެވެ.
މީގެ ކުރިން، ދުނިޔޭގެ ކްލަބް ޗެމްޕިއަނުން ހޮވަން، ދެކުނު އެމެރިކާ އާއި ޔޫރަޕްގެ ޗެމްޕިއަނުންގެ މެދުގައި ކުޅޭ އިންޓަ ކޮންޓިނެންޝިއަލް ކަޕްގެ ތަށި ވެސް ރެއާލުން ވަނީ 1960، 1998 އަދި 2002 ވަނަ އަހަރު ހޯދައިފައެވެ.
