ބޮލީވުޑްގައި އަރަމުންއަންނަ ބަތަލާ ބޫމީ ޕެޑްނޭކަރް އޭނާގެ ކުރިއަށް އޮތް ފިލްމު "އަފްވާ" ރިލީޒްކުރުން އަންނަ ފެބްރުއަރީ މަހުގެ 23 ވަނަ ދުވަހަށް ހަމަޖައްސައިފިއެވެ.

މި ފިލްމް އަކީ މިހާރުވެސް ވަރަށް ގިން ބަޔަކު އިންތިޒާރު ކުރަމުން އަންނަ ފިލްމް އެކެވެ. ހަމަ އެއާއި އެކުގައި ފިލްމަކީ ވަރަށް ޝައުގުވެރިވާނެ ފިލްމަކަށްވާނެ ކަމަށް މީގެ ޕްރޮޑިއުސަރު އަނޫބަވް ސިންހާ ބުނެއެވެ.

 

View this post on Instagram

 

A post shared by Nawazuddin Siddiqui (@nawazuddin._siddiqui)

މި ފިލްމްގެ ޝައުގު މި ފިލްމްގެ ކާސްޓުން ވެސް ފެނިގެންދެއެވެ. ޒުވާން ބަތަލާ ބޫމީ އާއި އެކުގައި ފިލްމް އިން ފެނިގެންދާނީ ދުވަސްވީ އެކްޓަރެއް ކަމުގައިވާ ނަވާޒުއްދިން ސިއްދީގީއެވެ.

މި ތުރިލާ އަކީ "ހަޒާރޭ ހުވާއިޝޭ އޭސީ" އާއި "ޗަމޭލީ" ފަދަ ކާމިޔާބު ފިލްމުތަކެއް ގެނެސްދިން ސުދީރު މިޝްރާ ޑައިރެކްޓްކުރާ ފިލްމެކެވެ. ޓީ ސީރީޒްގެ ބުޝާން ކުމާރާއި ޑައިރެކްޓަރު އަނޫބަވް ސިންހާ ޕްރޮޑިއުސްކުރާ "އަފްވާ" ގެ މަންޒަރުތައް ނަގާފައިވަނީ ރާޖަސްތާންގައެވެ.

 

View this post on Instagram

 

A post shared by Nawazuddin Siddiqui (@nawazuddin._siddiqui)

މިދިއަ އަހަރަކީ ބޫމީއަށް މާކާމިޔާބު އަހަރެއް ނޫނެވެ. މިދިއަ އަހަރުގައި ބޫމީގެ 3 ފިލްމް އެއް ވަނީ ރިލީޒް ކޮށްފައިއެވެ. އެއީ "ބަދާއީ ދޯ" އާއި "ރަކްޝާ ބަންދަން" އަދި "ގޯވިންދާ ނާމް މެރޭ" އެވެ. އޭގެރެއިން އޭނާ އަކްޝޭ ކުމާރާއި އެކުގައި ފެނިގެން ދިއަ ފިލްމް "ރަކްޝާ ބަންދަން" އަކީ ބޮޑު ފްލޮޕްއެކެވެ. އަނެއް ދެ ފިލްމް ވެސް ބޮކްސް އޮފީހުގައި މާ ކާމިޔާބެއް ނޫނެވެ.