މަގުމައްޗަށް ގަދަ ކޮންމެ މީހަކީ އަދި ވެރިކަން ކުރެވޭނެ މީހެއްނޫން ކަމުގައި ދީނީ އިލްމުވެރިޔާ ޝައިޚު އަލީ ޒައިދު ވިދާޅުވެއްޖެއެވެ.
ވެރިކަން ކުރާ މައި ޕާޓީ އެމްޑީޕީގެ ޓިކެޓްގައި ރިޔާސީ އިންތިޚާބުގައި ވާދަކުރާ ކެނޑިޑޭޓަކު ކަނޑައެޅުމަށް ބާއްވާ ޕްރައިމަރީގެ ފޯރި ގަދަވެ ރައީސް ޞާލިހާއި، ނަޝީދުގެ މެދުގައި ދަނީ ހޫނު ބަހުގެ ހަމަލާތަކެއް ބަދަލު ކުރެވެމުންނެވެ. ޕްރައިމަރީ އަންނަ މަހުގެ 28 ވަނަ ދުވަހު ބާއްވާއިރު ރައީސް ނަޝީދު ވަނީ ކެމްޕެއިން ރަސްމީކޮށް ލޯންޗުކޮށް އަތޮޅު ތެރެއަށް ދަތުރުވެސް ފަށާފައެވެ.
ކެމްޕެއިން ލޯންޗުކުރި ޖަލްސާގައި ރައީސް ނަޝީދު ވަނީ ރައީސް ޞާލިހަކީ ކަންކަމުގައި ރިއޭކްޓު ކުރައްވާ ބޭފުޅެއްކަމަށް ވިދާޅުވެ މަލާމާތުގެ ރާގެއްގައި ރައީސް ޞާލިހަށް ހަޖޫ ޖައްސަވާފައެވެ. މިކަމާއި ގުޅިގެން ގިނަ ބަޔަކު ދަނީ ރައީސް ނަޝީދަށް ފާޑު ވިދާޅުވަމުންނެވެ.
ޝައިޚު އަލީ ޒައިދު ވިދާޅުވީ ވެރިކަމަކީ މަގުމަތީގައި އަޑުގަދަކޮށް ގަދަ ހަދައިގެން އުޅޭ މީހުންނަަށް ކުރެވޭނެ ކަމެއް ނޫންކަމަށެވެ. އަދި ކަންކަމުގައި އޯވާ ރިއޭކްޓް ކުރެއްވުމުން އޭގެ ނަތީޖާވެސް ގޯސްވެފައި އެބަހުރިކަމަށެވެ. އެގޮތުން އަމިއްލަ ފުޅަށް ވެރިކަމުން އިސްތިއުފާ ދެއްވުމާއި، މުޅި ކެބިނެޓް އެކީ އިސްތިއުފާ ދިނުންފަދަ ކަންކަންވެސް އޯވާ ރިއޭކްޓް ކުރުމުން ހިނގާފައިވާކަމަށް ޝައިޚު ޒައިދު ވިދާޅުވިއެވެ.
އޯވާ ރިއެކްޓް ކުރުމަކީވެސް ގޯހެއް ދެއްތޯ! ބައެއްފަހަރު އޯވާރިއެކްޓްވީމާ ކެބިނެޓް އެއްކޮށް އިސްތިއުފާ ދީއުޅޭ! އަދި ދެމީހަކު އެއްވެލާފަ އަޑުގަދަކޮށްލާއިރަށް ވެރިކަމުންވެސް އިސްތިއުފާދީފަ ފައިބާ ބޭފުޅުންވެސް އުޅޭ! މަގުމައްޗަށް ގަދަ ކޮންމެ މީހަކީ އަދި ވެރިކަން ކުރެވޭނެ މީހެއްނޫން!
– ޝައިޚު ޒައިދު ވިދާޅުވިއެވެ.
އެމްޑީޕީގެ އަސާސީ ޤަވާއިދު ބުނާގޮތުން އެޕާޓީގެ ޕްރައިމަރީގައި ޥާދަކުރާ ކެނޑިޑޭޓުންނަށް ކެމްޕެއިން ކުރުމަށް އެއްމަސްދުވަހުގެ މުއްދަތެއް ދޭންޖެހެއެވެ. އަންނަ އަހަރު ބާއްވާ ރިޔާސީ އިންތިޚާބުގެ ވޯޓުލުމަށް އިލެކްޝަންސް ކޮމިޝަނުން ތަޢާވަލުކޮށްފައިވަނީ ސެޕްޓެމްބަރު މަހުއެވެ.
One Response
އަނގަ ަމުޑުދާރުކޮންމެމީހަކީޝައިޙެއްނޫނ؛އެއީވަކަރުގެދަރިން