އިންޑިއާގެ ބޮޑު ވަޒީރު ނަރެންދްރަ މޯދީގެ މަންމާފުޅު ހީރަބެން މޯދީ އުމުރުފުޅުން 99 އަހަރުގައި އަވަހާރަވުލާއި ގުޅިގެން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ތައުޒިޔާ ވިދާޅުވެއްޖެއެވެ.

ހީރަބެންގެ ހާލުކޮޅު ގޯސްވުމުން ގުޖްރާތުގެ ހޮސްޕިޓަލްގައި އެޑްމިޓްކޮށް ފަރުވާދެމުން ގެންދަނިކޮށް އަވަހާރަވީ މިއަދު ހެނދުނު އެވެ. މޯދީ ވެސް މިވަގުތު ހުންނެވީ އޭނާ ޗީފް މިނިސްޓަރުކަން ކުރެއްވި ގުޖުރާތުގައެވެ. މަންމާފުޅުގެ ހަށިގަނޑު އެމްބިއުލައިންސްގައި ގެންދިޔައިރު މޯދީ ވެސް އިންނެވިއެވެ.

މޯދީގެ މަންމަ އަވަހާރަ ވުމާއި ގުޅިގެން ރައީސް ޞާލިހު ވަނީ މިދަނޑިވަޅުގައި ބޮޑު ވަޒީރު މޯދީއަށާއި އާއިލާއަށް ކެތްތެރިކަން ދެއްވުމަށް އެދިފައެވެ. އަދި އެމަނިކުފާނުގެ ދުއާއާއި، ހެޔޮ އެދުންތައް މޯދީއާއި އާއިލާއާއި އެކުގައިވާނެކަމަށް ރައީސް ޞާލިހު ވިދާޅުވިއެވެ.

Saddened to hear the news about Indian PM @narendramodi’s mother, Hiraben Modi, passing away.
My thoughts and prayers are with PM Modi and his family during this time of mourning.

— Ibrahim Mohamed Solih (@ibusolih) December 30, 2022

މޯދީ އެންމެ ފަހުން މަންމާފުޅާ އެކު ފެނުނީ މި މަހު ހަތަރުވަނަ ދުވަހު ގުޖުރާތުގެ އިންތިހާބަށް އެ ސްޓޭޓަށް ވަޑައިގެން މަންމަ އާ ބައްދަލު ކުރެއްވި ދުވަހުއެވެ.

ހީރާބެން ދިރިއުޅުއްވީ އޭނާގެ ހަގު ދަރިކަލުންނާ އެކުއެވެ. އޭނާ އުފަންވެވަޑައިގަތީ ގުޖުރާތުގެ ވިސްނަގަރު އަވަށައުގައި 1923 ގަ އެވެ. ފުރާވަރު އުމުރުގައި ދަމޮދަރުދުސާ މުލްޗަންދު މޯދީ އާ ކައިވެނި ބައްލަވައިގެން ގުޖުރާތުގެ އެހެން އަވަށަކަށް ބަދަލުވެވަޑައިގެންނެވިއެވެ. އެ ދެމަފިރިންނަށް ހަ ފިރިހެން ބޭފުޅުން ލިބިވަޑައިގެންނެވިއެވެ. ނަރެންދްރަ މޯދީ އަކީ ތިންވަނަ އަށް ލިބިވަޑައިގެންނެވި ދަރިކަލުންނެވެ.