ގޭބީސީތަކުން މަގުމައްޗަށް ނެރެފާއިވާ ކުނިތައް ވެމްކޯއިން ނުނަގާތީ، އެކަމުގެ ކަންބޮޑުވުން މާލެ ސިޓީގެ މޭޔަރު ޑރ.މުޙައްމަދު މުޢިއްޒު ފާޅުކުރައްވައިފިއެވެ. މިމަހުގެ 26އިން ފެށިގެން މާލެ ސިޓީގެ މަގުތައް ކުނިކަހާ ސާފުކުރުން ވެމްކޯގެ އަތުން ނަގައި ސިޓީ ކައުންސިލުން ވަނީ ހަވާލުވެފައެވެ. ނަމަވެސް ގޭބީސީތަކުން ނެރޭ ކުނިތައް ނެގުމަކީ ވެމްކޯގެ ޒިންމާއެކެވެ.
ނަމަވެސް ރޭ ގޭބީސީތަކުން ނެރުނު ކުނިތައް ވެމްކޯއިން ނުގެންދާތީ އެކަމުގެ ކަންބޮޑުވުން ފާޅުކުރައްވާ މާލެ ސިޓީގެ މޭޔަރު މުއިއްޒު ވިދާޅުވީ، ވެމްކޯއިން ގޭގެއިން ނަގާ ކުނިތައް މަގުމަތީގައި ކޮތަޅުކޮތޅުުގައި ބަހައްޓާފައި ގެންދާ ކުދި ރޭގައި. ވެމްކޯއިން ނުގެންދާކަމަށެވެ. އެ ކުދނި ގެންދިއުމަކީ ވެމްކޯގެ ޒިންމާއެއްކަމަށާއި، ނަމަވެސް ރޭގައި ގަސްތުގައި އެކުނި ނުގެންދާކަމަށް މުއިއްޒު ވިދާޅުވިއެވެ. މޭޔަރު ވިދާޅުވީ އެ ކުނީގެ 10 ޓަންގެ ކުނި މިހާތަނަށް ކައުންސިލުން ނަގާފައިވާކަމަށާއި، އެ ކުނި ވެމްކޯ ސައިޓަށް ގެންގޮސް ވެއްދީވެސް ވެމްކޯއަށް ގޭޓް ފައިސާ ދައްކާފައިކަމަށެވެ. އަދި ކައުންސިލުން މާލެތެރެ ސާފުކޮށް ރީތި ތަނަކަށް ހެދުމަށް ކުރަންޖެހުނު ކޮންމެ މަސައްކަތެއް ކުރާނެކަމުގެ ޔަޤީންކަން މުއިއްޒު ވަނީ ދެއްވާފައެވެ.
މުއިއްޒު ވިދާޅުވީ މާލޭގެ މަގުތަކާއި ޢާންމު ސަރަހައްދުތައް ސާފުތާހިރުކޮށް ބޭއްވުމަށް ހުރިހާ ފަރާތްތަކުގެ އެއްބާރުލުން ކައުންސިލަށް ބޭނުންވާކަމަށެވެ.
ވެމްކޯއގެ ފިނޑި ޒިންމާދާރުކަންކުޑަ، ޤާނޫނާ ޚިލާފް ޢަމަލު މީޑިއާތަކުން ރައްޔިތުންނަށް ހާމަކޮށްދެއްވަން ޖެހޭކަމަށް ދެކެން.
– މުއިއްޒު ވިދާޅުވިއެވެ.
މާލެ ސިޓީ ކައުންސިލުން ވެމްކޯއާއިއެކު ހަދާފައިވާ 5 އަހަރުގެ އެއްބަސްވުމުގެ މުއްދަތު، މިމަހުގެ 25ވަނަ ދުވަހަށް ވަނީ ހަމަވެފައެވެ. އަދި މި އެއްބަސްވުން އިތުރަށް އާ ނުކުރުމަށް ސިޓީ ކައުންސިލުން ނިންމާ، އެ މަސައްކަތް ސީދާ ކައުންސިލްގެ ބެލުމުގެ ދަށުން ކުރިއަށްގެންދާގޮތަށް ވަނީ ނިންމާފައެވެ.
