އެމްޑީޕީގެ ރިޔާސީ ޕްރައިމަރީއާއި ގުޅޭގޮތުން ހުށައެޅޭ ޝަކުވާތައް ހުށަހެޅުމަށް ފުރުޞަތު ހުޅުވާލައިފިއެވެ.
އެޕާޓީން ބުނެފައިވަނީ ރިޔާސީ ޕްރައިމަރީ ގުލޭގޮތުން ހުށައެޅޭ ޝަކުވާތައް ބެލުމަށް ޝަކުވާބަލާ ކޮމެޓީއެއް އެކުލާލައި ރިޔާސީ ޕްރައިމަރީ އާއި ގުޅޭ އެއްވެސް ޝަކުވާއެއް އޮތްނަމަ އެކޮމިޓީއަށް ހުށައެޅުމުގެ ފުރުޞަތު ހުލުވާލާފައިވާކަމަށެވެ. އަދި ޝަކުވާތައް ބަލާ ކޮމިޓީއެއްވެސް ވަނީ އެކުލަވާލާފައެވެ.
ޝަކުވާ ބަލާ ކޮމެޓީގައި ހިމެނޭ މެންބަރުން:
1. އަޙްމަދު އަބްދުﷲ އަފީފް
2. އަފްޝަން ލަތީފް
3. މުހައްމަދު ހާޝިމް
އެމްޑީޕީގެ ޕްރައިމަރީ އަންނަމަހުގެ 28 ވަނަ ދުވަހު ބޭއްވުމަށް ހަމަޖެހިފައިވާއިރު، އެ ޕާޓީން މިހާރު ވަނީ ޕްރައިމަރީގައި ވާދަކުރައްވާ ކެނޑިޑޭޓުންގެ ނަންތައް އިއުލާންކޮށްފައެވެ. އެމްޑީޕީގެ ޕްރައިމަރީގައި ވާދަކުރުމުގެ ފުރުޞަތު އެ ޕާޓީން ހުޅުވާލީ މިމަހުގެ 18 ވަނަ ދުވަހުއެވެ. އަދި އެ މުއްދަތު މިމަހުގެ 24 ވަނަ ދުވަހު ހަމަވިއިރު، ޕްރައިމަރީގައި ވާދަކުރެއްވުމަށް ފޯމް ހުށަހަޅުއްވާފައިވަނީ އެމްޑީޕީގެ އެންމެ އިސް ލީޑަރު އަދި ރައީސުލްޖުމްހުރިއްޔާ އިބްރާހީމް މުހައްމަދު ޞާލިހުއާއި ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދުއެވެ.
އެމްޑީޕީގެ ޕްރައިމަރީގައި ވާދަކުރައްވާ ކެނޑިޑޭޓުންގެ ނަންތައް ތަރުތީބުކޮށް އިއުލާންކުރިއިރު، ކެނޑިޑޭޓް ނަމްބަރު 1 ލިބިވަޑައިގަތީ ރައީސް ނަޝީދަށެވެ. އަދި ރައީސް ސާލިހުއަށް ލިބިވަޑައިގަތީ ކެނޑިޑޭޓް ނަމްބަރު 2އެވެ.
އެމްޑީޕީގެ ޕްރައިމަރީގައި ވާދަކުރާ ކެނޑިޑޭޓުންގެ ނަންތައް ތަރުތީބުކޮށްފައިވާއިރު، ދެން އޮންނާނީ ރިޔާސީ ޕްރައިމަރީގެ ވޯޓަރޒް ލިސްޓް އާންމު ކުރުމާއި، ލިސްޓަށް ޝަކުވާ ހުށަހެޅުމަށް ހުޅުވާލާނެއެވެ. އަދި ރިޔާސީ ޕްރައިމަރީ ފައިނަލް ވޯޓަރޒް ލިސްޓް އާންމު ކުރަނީ އަންނަމަހުއެވެ.
