ޤައުމުގެ ހިންގުމުގެ ނިޒާމް ކަނޑައަޅަނީ ވަކިމީހަކު ވެރިކަމަށް ގެނައުމަށް ނުވަތަ ދުރުކުރުމަށްކަމަށް ހަދައިފިނަމަ ރައްޔިތުން ނިކަމެތިވާނެކަމަށް ހޯމް މިނިސްޓަރ އަދި އަދާލަތު ޕާޓިގެ ރައީސް ޝާއިޚް ޢިމްރާން ޢަބްދުﷲ ވިދާޅުވެއްޖެއެވެ.
އަންނަ އަހަރު އޮންނަ ރިޔާސީ އިންތިޚާބުގެ ވާދަވެރިކަން ބޮޑޫވެ ވާދަކުރައްވާނެ ފަރާތްތައް ކެމްޕެއިން ފަށާފައިވާއރު، އިމްރަން ގެންދަވަނީ ދެވަނަ ދައުރެއް މިހާރުގެ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ދެއްވުމަށް ވާހަކަފުޅު ދައްކަވަމުންނެވެ.
އެމްޑީޕީގެ ރިޔާސީ ޕްރައިމަރީވެ ވާދަވެރިކަން ބޮޑުވެ ރައީސް ޞާލިޙާއި ރައީސް ނަޝިދުގެ ފެކްޝަނުން ގެންދަވަނީ އެއްބަޔަކު އަނެއްބަޔަކަށް ފާޑުކިޔަމުންނެވެ. މި ދަނޑިވަޅުގައި ރާއްޖޭޣެ ސިޔާސީ މަސްރަހަށް އަލިއަޅުއްވާލައްވާ ހޯމް މިނިސްޓަރ ޢިމްރާން ވިދާޅުވީ ޤައުމުގެ ހިންގުމުގެ ނިޒާމް ކަނޑައަޅަނީ ވަކި މީހަކު ވެރިކަމަށް ގެނައުމަށް ނުވަތަ ވެރިކަމުން ދުރުކުރުމަށްކަމުގައި ހަދައިފިނަމަ ޤައުމުގެ ކުރިމަގު ވިއްސި ވިހާލިވެދާނެކަމަށެވެ. އަދި ނިކަމެތި ވާނީ ރައްޔިތުންކަމަށްވެސް ޢިމްރާން ވިދާޅުވިއެވެ.
Qaumuge hingumuge nizaam kanda’alhanee vaki meehaku verikamah genaumah nuvatha verikamun dhurukuruvumah kamugai hadhaifinama qaumuge kurimagu vissi vihaali vedhaane’eve.nikamethi vaanee hama rayyithunneve.
— Imran Abdulla (@ShimranAb) December 23, 2022
ޢިމްރާން މިހެން ވިދާޅުވެފައިވާއިރު، ޤާނޫނު ހަދާ މަޖިލީހުގެ އެންމެ ގޮނޑިއެއްވެސް ކާމިޔާބުނުވެ މިސަރުކާރުގެ ބާރުގަދަ މަޤާމުތަކުގައި އަދާލަތުގެ ބޭފުޅުން ތިއްބަވާތީ ރައީސް ނަޝީދާއި އެމަނިކުފާނަށް ތާޢީދުކުރައްވާ ފަރާތްތަކުން މިސަރުކާރަށް ފާޑުކިޔުން އަމާޒުކުރެއެވެ.
އަދާލަތުން ދަނީ ކުރިއަށް އޮތް ދައުރުގައިވެސް ރައީސް ޞާލިޙާއެކު މަސައްކަތްކުރައްވާނެކަން ދޭހަވާގޮތަށް ވާހަކަދައްކައި ރައީސް ޞާލިހަށް ތާޢީދުކުރަމުންނެވެ. އަދާލަތުން ރިޔާސީ އިންތިޚާބަށް ކެނޑިޑޭޓެއްް ނުނެރޭނެއެވެ.
