އަފްއާނިސްތާނުގެ ތާލިބާން ސަރުކާރުން، އަންހެން ކުދިން ޔުނިވަރސީޓިތަކަށް ދިއުން މަނާކުރި ކުރުމަކީ ހިތާމަކުރާ ކަމެއްކެއް ކަމަށް ސައުދީ އަރަބިއާގެ ފޮރިން މިނިސްޓްރީން ބުނެފިއެވެ. ސައުދީ ރަސްމީ ޕްރެސް އޭޖެންސީ (SPA) އިން ރިޕޯޓު ކޮށްފައިވާ ގޮތުގައި، ތާލިބާން ސަރުކާރުގެ މި ނިންމުން ބާތިލްކުރުމަށް ސައުދީ ސަރުކާރުންވަނީ ތާލިބާން ސަރުކާރަށް ގޮވާލާފައެވެ.
ތާލިބާން ސަރުކާރުން އަންހެންކުދިން ޔުނިވަރސިޓީތަކަށް ދިއުން މަނާކުރި ކުރުމަކީ، "އެގައުމުގައި އަންހެނުންގެ ހައްގުތައް ރައްކާތެރި ކުރުމާއި ފުށުއަރާކަމަކަށް ވާއިރު، އަންހެންކުދިން ތައުލީމު އުގެނުމަކީ، ގައުމީ ތަރައްގިއާއި، ހަމަޖެހުމާއި، ސަލާމަތާއި އަންއާނިސްތާގެ އުޚުއްވަތްތެރި ރައްޔިތުންގެ ކުރިއެރުމާއި ގުޅިލާމެހިފައިވާ، އަދި އަންހެނުންގެ ހައްގުތަކާއިވެސް އެންމެ ބޮޑަށް ގުޅި ލާމެހިފައިވާ އެއްކަން،" ސައުދީ ފޮރިންގ މިނިސްޓްރީގެ ބަޔާނުގައި ބުނެފައިވާކަމަށް ސައުދީ ރަސްމީ ޕްރެސް އޭޖެންސީ (SPA) އިން ރިޕޯޓު ކޮށްފައި ވެއެވެ.
ތާލިބާން ޖަމާއަތުން، މި ހަފްތާގެ އަންގާރަ ދުވަހުވަނީ، އެގައުމުގެ އަންހެންކުދިން ޔުނިވަރސިޓީތަކަށް ދިއުން މަނާ ކޮށްފައެވެ. ތާލިބާން ސަރުކާރުގެ މި ނިންމުމުގެ ސަބަބުން، ދުނިގޭގެ ގިނަ ގައުމުތަކުން މި ނިންމުމަށް ފާޑު ކިޔާފައިވާއިރު، މި ނިންމުމުގެ ސަބަބުން ބައިނަލްއަގުވާމީގޮތުން އެގައުމުގެ ސަރުކާރު ބަލައިގަތުމަށް ކުރެވެމުންދާ މަސައްކަތްތަކަށް ވަނީ ބޮޑެތި ހުރަސްތަކަކާއި ކުރިމަތިލާން ޖެހިފައެވެ.
އަފްއާނިސްތާނުގައި ވެރިކަން ކުރަމުންދާ ތާލިބާން ޖަމާއަތުގެ މިނިންމުމަށް ފާޑުކިޔާފައިވާ ފަރާތްތަކުގެ ތެރޭގައި ޔޫއެންގެ އިތުރުން އެމެރިކާއާއި ގަތަރާއި، ޖާރމަނީއާއި އިނގިރޭސިވިލާތާއި، ކެނާޑާއާއި ޕާކިސްތާންގެ އިތުރުން އެމްނެސްޓީ އިންޓަރނޭޝަނަލްވެސް ހިމެނެއެވެ.
