އެމްޑީޕީގެ ރައީސް މުޙައްމަދު ނަޝީދު އަނބުރާ ވެރިކަމަށްގެނައުމަކީ ދިވެހީންނަށް ގެއްލުން ބޮޑުވާނެކަމެއްކަމަށް ދީނީ ޢިލްމުވެރިޔާ ޝައިޚް ޢަލީ ޒައިދު ވިދާޅުވެއްޖެއެވެ. ޒައިދު މިހެން ވިދާޅުވީ އެމްޑީޕީގެ ރިޔާސީ ޕްރައިމަރީގައި ރައީސް ނަޝީދު ވާދަކުރައްވާނެކަން އިއުލާންކުރައްވފައިވަނިކޮށެވެ.

ޒައިދު ވިދާޅުވީ، ރައީސް މަދު ރަނގަޅުކަމެއް ނުކުރައްވައޭ ނުދަންނަވާކަމަށާއި ނަމަވެސް އޭރުވެސް ފައިދާއަށްވުރެ ގެއްލުން މާބޮޑަށްވެސް ބޮޑުވިތަން އެންމެންނަށް ފެނުނުކަމަށެވެ.

ލައްކަ ކަންތައްތަކާއި ރައްޔިތުންއޭރު ކުރިމަތިލާންޖެހުނު!

– ޢަލީ ޒައިދު ވިދާޅުވިއެވެ.

އަޅުގަނޑުގެ ނަޒަރުގައި ރނ އަނބުރާ ވެރިކަމަށްގެނައުމަކީ ދިވެހީންނަށް ގެއްލުން ބޮޑުވާނެކަމެއް! މަދު ރަނގަޅުކަމެއް ނުކުރައްވައޭ ނުދަންނަވަން! ނަމަވެސް އޭރުވެސް ފައިދާއަށްވުރެ ގެއްލުން މާބޮޑަށްވެސް ބޮޑުވިތަން އެންމެން ދުށީމު! ލައްކަ ކަންތައްތަކާއި ރައްޔިތުންއޭރު ކުރިމަތިލާންޖެހުނު!

— Ali Zaid (@alizaid1000) December 19, 2022

އަންނަ މަހުގެ 28ގައި އޮންނަ އެމްޑީޕީ ޕްރައިމަރީގައި ރައީސް ނަޝީދު ވަނީ ވާދަކުރައްވާނެކަން އިއުލާންކުރައްވާފައެވެ. އަދި ޕާޓީގެ މެންބަރުން ތަޢީދުކޮށްދެއްވުމަށް ވަނީ އެދިވަޑައިގެންފައެވެ. ރައީސް ނަޝިދުގެ އިތުރުން ރައީސް އިބްރާހީމް މުޙައްމަދު ޞާލިޙްވެސް ވަނީ ޕްރައިމަރީގައި ވާދަކުރައްވާނެކަަމަށް ވިދާޅުވެފައެވެ.

ރައީސް ނަޝީދު ފެކްޝަންގެ އެމްޑީޕީ މެންބަރުން ދަނީ ރައީސް ނަޝީދު ވެރިކަމަށް ގެނައުމަށް މިހާރު ކެމްޕެއިން ކުރަމުންނެވެ.