ވޯލްޑްކަޕް ފުޓުބޯޅަ މުބާރާތުގައި މިރޭ ކޮރޭޝިއާއި، މޮރޮކޯ ވާދަކުރާއިރު، ދެޓީމަސްވެސް އެއްވެސް ޕްރެޝަރެއް ނެތެވެ.
ރާއްޖެ ގަޑިން މިރޭ 20:00 ގައި ފަށާ މި މެޗުގައި ތިންވަނަ ލިބުމަކީ މީގެ ތެރެއިން ކޮންމެ ޓީމަކަށްވެސް ލިބިގެންދާނެ ބޮޑު އުފަލެކެވެ. ޚާއްސަކޮށް މޮރޮކޯއަށް ތިންވަނަ ލިބިއްޖެނަމ މިއީ ލިބޭ ބޮޑު ކާމިޔާބަކަށް ވެގެންދާނެއެވެ. މިމުބާރާތުގައި މިހާތަނަށް އެޓީމު ހޯދާފައިވާ ކާމިޔާބީތަކާއިމެދު މުޅި އެފްރިކާ ބައްރާއި، އަރަބި ތަކުން ފަހުރުވެރިވެއެވެ. މިއީ އަރަބި އިސްލާމީ ޤައުމެއް އަދި އެފްރިކާ ބައްރުގެ ގައުމުގެ މުބާރާތުގެ މިހާ ދުރަަށް ދަތުރުކުރި ފުރަތަމަ ފަހަރުވެސް މެއެވެ.
މިރޭގެ މެޗާއި ކުރިމަތިލާއިރު މިދެޓީމަކީ މުބާރުގެ ގްރޫޕް ސްޓޭޖް ފަހަނަ އަޅާދިމަށް އަމާޒު ކަނޑައަޅައިގެން މުބާރަތުގައި ވާދަކުރި ދެޓީމެވެ. ފުރަތަމަ މަންޒިލަށްފަހު މުބާރާތުގެ ސެމީ ފައިނަލުން ބަލިވުމުން ތިންވަނަ ހޮވާ މެޗުގައި ދެޓީމަށްވެސް ޕްރެޝަރެއް ނެތެވެ.
މޮރޮކޯ އިން ސެމީ ފައިނަލަށް ދަތުުރުކުރީ ވަރުގަދަ ގައުމުތައް ކަމަށްވާ ބެލްޖިއަމް އާއި ސްޕެއިން އަދި ޕޯޗުގަލް ބަލިކުރުމަށްފަހުއެވެ. ބެލްޖިއަމް ބަލިކުރީ ގްރޫޕް ސްޓޭޖުގަ އެވެ. ސްޕެއިން އަތުން ގަދަ 16 ބުުރުގައި މޮޅުވި މޮރޮކޯ އިން ވަނީ ކުއާޓާ ފައިނަލުގައި ޕޯޗުގަލް ކަޓުވާލައިފައެވެ.
މިއީ މޮރޮކޯ އާއި ކްރޮއޭޝިއާ މި ވޯލްޑް ކަޕްގައި ބައްދަލު ކުރާ ދެ ވަނަ ފަހަރެވެ. މި ދެ ޓީމު މުބާރާތުގެ ފުރަތަމަ މެޗުގައި 0-0 އިން ވަނީ އެއްވަރުވެފައެވެ. ކްރޮއޭޝިއާ އަށް މި މެޗުގައި ހެދިފައި ވަނީ އެންމެ ފަސް ޝޮޓެވެ. މިއީ ވޯލްޑް ކަޕް މެޗެއްގައި ކްރޮއޭޝިއާ އެހާ މަދުން ޝޮޓް ހެދި ފަހަރެވެ.
ވޯލްޑްކަޕްގެ ތިންވަނަ މީގެ ކުރިންވެސް ކޮރޭޝިއާ ހޯދާފައިވެއެވެ. ނަމަވެސް މިއީ މޮރޮކޯ މުބާރާތުގެ ތިންވަނަ ހޯދުމަށް ލިބިގެންދާ ފުރަތަމަ ފުރުސަތެވެ.
