ޖާމަނީގެ ސަރުކާރު ވައްޓާލާ، ބަޢާވާތެއް ގެންނަން އުޅުމުގެ ތުހުމަތުގައި އެގައުމުގެ އެކި ސަރަހައްދުތަކުގައި 25 މީހަކު ހައްޔަރު ކޮށްފިއެވެ.
ޖާމަނީގެ އަސްކަރިއްޔާގައި ކުރިން މަސައްކަތް ކޮށްފައިވާ، ހައްދު ފަހަނައަޅާފައިވާ ކަނާތު ފިޔައަށް ނިސްބަތްވާ މި ގުރޫޕުން ރާވަމުން ގޮސްފައިވަނީ ޖާމަނީގެ ގާނޫނުހަދާ މަޖިލީހަށް ހަމަލާދީ، ބާރުތައް އެމީހުންގެ ބާރުގެ ދަށަށް ގެނައުމަށެވެ.
ޖާމަނީގައި ބަޢާވާތެއް ގެނައުމަށް ތައްޔާރުވަމުން ދިޔަ މި ގުރޫޕުގެ އެންމެ އިސްފަރާތެއްގެ ގޮތުގައި ހުރެފައިވާކަމަށް މީޑިއާތަކުން ރިޕޯޓު ކޮށްފައިވަނީ އުމުރުން 71 އަހަރުގެ ޕްރިންސް ހެއިންރިޗް XIII ނަމަކަށް ކިޔާ މީހެކެވެ.
ޖާރމަނީގެ ފެޑެރަލް ޕްރޮސެކިއުޓަރުން ހާމަ ކޮށްފައިވާ ގޮތުގައި އޭނާއަކީ، އެގައުމުގެ 11 ސްޓޭޓަކުން ހައްޔަރު ކޮށްފައިވާ 11 މީހުންގެ ތެރެއިން އެންމެ އިސް ދެ ރިންގް ލީޑަރުންގެ ތެރެއިން އެކަކު ކަމުގައެވެ.
މީޑިއާތަކުގައި ރިޕޯޓު ކޮށްފައިވާ ގޮތުގައި ސަރުކާރު ވައްޓާލުމަށް ރާވަމުންދިޔަ މީހުންނަކީ ހައްދު ފަހަނައަޅާފައިވާ ރެއިޗްސްބާގަރ މޫވްމަންޓަށް ނިސްބަތްވާ މީހުންނެވެ. މި ހަރަކާތަކީ ހަމަނުޖެހުން ހިންގުމާއި، ނަސްލީ ތަފާތުތަކާއި ގުޅުންހުރި ފިކުރުތަކަށް ތާއީދު ކުރާ ހަރަކާތެކެވެ. އަދި މިއީ އަބަދުވެސް ޖާރމަނީގެ ފުލުހުންގެ ނަޒަރު ހުއްޓިފައި އޮންނަ ހަރަކާތެކެވެ. މި ހަރަކާތުން އަބަދުވެސް އަންނަނީ ޖާމަނީގެ ދައުލަތް ގަބޫލު ނުކުރާނެ ކަމަށް ބުނަމުންނެވެ.
ސަރުކާރު ވައްޓާލަން އުޅުނު ކަމަށް ތުހުމަތުކުރެވޭ އިތުރު މީހުންނަކީ ޖާމަނީގެ ޤަނޮން ހަރަކާތައް ނިސްބަތްވާ މީހުންނެވެ. މި ހަރަކާތަކީ ޖާމަނީއަކީ އަނދި ދައުލަތެއްގެ ބާރުގެ ދަށުގައި އޮތް ތަނެއްކަމަށް ގަބޫލުކުރާ ހަރަކާތެކެވެ.
ޖާރމަނީގެ އިންޓީރިއަރ މިނިސްޓަރު ވިދާޅުވެފައިވަނީ، "ޑިމޮކްރަސީގެ ދުޝްމަނުން"ނާއި ދެކޮޅަށް އެގައުމުގެ ސަރުކާރުން ފުރިހަމަޔަށް ބާރުގެ ބޭނުން ކުރާނެއެވެ.
