"ހުޅުމާލެ ޕްލޭނިން އަދި އިމާރާތްކުރުމުގެ ގަވާއިދު" ރައްޔިތުންގެ މަޖިލީހުގެ ޤަވާއިދު ކޮމިޓިން ފާސްކޮށްފައި ފޮނުވިނަމަވެސް ޕްލޭނިން މިނިސްޓްރީން ގެޒެޓުކޮށްފައިނުވާތީ، އެ މިނިސްޓްރީން ޤާނޫނާ ޚިލާފުވެއްޖެކަމަށް ނިންމާ ދެ ލަފައެއް މަޖިލީހުގެ ރައީސް މުޙައްމަދު ނަޝީދު ދެއްވައިފިއެވެ.
އައު ޤާނޫނު އަސާސީއަށް ޢަމަލުކުރަން ފެށިފަހުން ޤާނޫނަކަށް ނުފެތޭ ބައެއް ކަންކަމަށް ޤާނޫނީ ބާރުވެރިކަން ދީފައިވަނީ ޢާންމު ޤަވާއިދުތަކުގެ ޤާނޫނަކުންނެވެ. އެ ޤަވާއިދުތައް އެކުލަވާލުމުގެ މަސްއޫލިއްޔަތު އަދާކުރަމުން އަންނަނީ މަޖިލީހުގެ ގަވާއިދު ކޮމިޓީންނެވެ. އެގޮތުން ހުޅުމާލެ ޕްލޭނިން އަދި އިމާރާތްކުރުމުގެ ގަވާއިދު ވަނީ ކޮމިޓީން ފާސްކުރުމަށްފަހު ޕްލޭނިން މިނިސްޓްރީއަށް ފޮނުވާފައެވެ. އެ ޤަވާއިދު ފޮނުވީ 2018 ވަނަ އަހަރުއެވެ. ނަމަވެސް މިހާތަަނަށް އެ ޤަވާއިދު ގެޒެޓުކޮށްފައިނުވާތީ މަޖިލީހުގެމެންބަރުން ވަނީ ކަންބޮޑުފުން ފާޅުކޮށްފައެވެ.
އެހެންކަމުން ކޮމިޓީން އެ މައްސަލަ ބަލަން ފެށީ 2020 ވަނަ އަހަރުއެވެ. މިކަމާއި ގުޅިގެން ކޮމިޓިން ނިންމީ ހަފްތާއެއްގެ މުހުލަތެއް ދިނުމަށެވެ. އަދި އެ ރިޕޯތް ފާސްކުރުމަށް ވަނީ އެޖެންޑާކޮށްފައެވެ.
އެ ރިޕޯޓް މަޖިލީހުގެ ތަޅުމަށް ހުށައެޅުމުން ރައީސް ނަޝީދު ވަނީ މި ކަމުގައި އަމަލު ކުރަންވީ ގޮތް ގާނޫނުގައި ވަރަށް ސާފުކޮށް އެބައޮތްކަމަށް ވިދާޅުވެފައެވެ. އަދި އެއަށް ސަރުކާރުން ޢަމަލުކުރުން ނޫންގޮތެއް ނެތްކަމަށްވެސް ރައީސް ނަޝީދު ވިދާޅުވިއެވެ. ނަޝިދު ވަނީ އެއީ ޤާނޫނު އަސާސީން ތަންދޭކަމެއް ނޫންކަމަށްވެސް ވިދާޅުވެފައެވެ.
މެންބަރުންނަށް ނިންމެވިދާނެ ޝަރީއަތަށް ވަޑައިގަތުމަށްވެސް، ނުވަތަ ވަޒީރާގުޅޭ ގޮތުން ތިބޭފުޅުން ނިންމަވާ ނިންމެވުމެއް ނިންމުމަށް..
– ރައީސް ނަޝީދު ވިދާޅުވިއެވެ.
ނަޝިދުގެ ލަފައަކަށްވީ މި މައްސަލާގައި އަސްލަމް މަޤާމުން ވަކިކުރެއްވުން ނުވަތަ ޝަރީޢަތަށް ދިއުމެވެ. ނަޝީދު ވަނީ މަޖިލީހުން އަންގާ އެންގުންތަކަށް މިނިސްޓްރީން އަމަލުކޮށްފައި ނުވާތީ، އެ މަސައްކަތް މަޖިލީހުން ކުރުމުގެ ބޭނުމެއް އޮތްކަމަށް ދެކެވަޑައިނުގަންނަވާކަމަށް ވިދާޅުވެފައެވެ. އަދި އެއީ ޤާނޫނު އަސާސީން މަޖިލީހަށް ދީފައިވާ ބަރަށް އިހްތިރާމް ނުކުރުންކަމށް ކޮމިޓީ ރިޕޯޓްގައިވެއެވެ.
