ރާއްޖޭގެ ހޯމް މިނިސްޓަރ ޝައިޚް އިމްރާން ޢަބްދުﷲ އިންޑިއާގެ ފޮރިން މިނިސްޓަރ ސުބްރަމަންޔަން ޖައިޝަންކަރާ ބައްދަލު ކުރައްވައިފިއެވެ.

މި ބައްދަލުވުމަކީ އިންޑިއާގެ ވެރިރަށް ނިއުދިއްލީގައި "ނޯ މަނީ ފޯ ޓެރޯ"ގެ ނަމުގައި ކުރިއަށްދާ ޓެރަރިޒަމާ ދެކޮޅު ކޮންފަރެންސްގެ ހަވާސާއިން ބޭއްވި ބައްދަލުވުމެކެވެ.

"ނޯ މަނީ ފޯ ޓެރޯ" ކޮންފަރެންސްއަކީ ޓެރަރިޒަމަށް ފައިސާ ހޭދަކުރުން ހުއްޓުވުމަށާއި އެފަދަ ކަންކަމާ ދެކޮޅަށް ޤައުމުތަކުން އަޅާ ފިޔަވަޅުތައް ވަރުގަދަކުރުމާމެދު މަޝްވަރާކުރުމަށް ބާއްވާ ކޮންފަރެންސްއެކެވެ.

Good to meet Maldives Home Minister @ShimranAb on sidelines of the ‘No Money for Terror’ Conference. His presence is an affirmation of Maldives’ principled position against terrorism. pic.twitter.com/3tErDIWWeJ

— Dr. S. Jaishankar (@DrSJaishankar) November 19, 2022

ޖައިޝަންކަރު ވަނީ ޝައިޚް އިމްރާނާ ބައްދަލުކުރެއްވުމަށްފަހު ޝައިޚް އިމްރާނަށާއި ރާއްޖެ ތައުރީފް ކުރައްވާފައެވެ. ޝަންކަރު ވިދާޅުވީ "ނޯ މަނީ ފޯ ޓެރޯ" ކޮންފަރެންސްގައި ރާއްޖެއިން ބައިވެރިވުމަކީ ޓެރަރިޒަމާ ދެކޮޅަށް ރާއްޖެއިން ކުރާ މަސައްކަތް ދޭހަކޮށްދޭ ކަމެއްކަމަށެވެ.

މިފަހަރުގެ "ނޯ މަނީ ފޯ ޓެރޯ" ކޮންފަރެންސް އަކީ ޓެރަރިޒަމަށް ފައިސާ ހޭދަކުރުމާ ދެކޮޅަށް މިފެންވަރުގައި މިސަރަޙައްދުގައި ބާއްވާ ތިންވަނަ ކޮންފަރެންސެވެ.