ހުޅުމާލެ ހިޔާ ފްލްޓުތަކަށް ކަރަންޓު ފޯރުކޮށްދޭ މައި ކޭބަލެއް ބުރިވެ ފްލެޓުތަކުން ކަރަންޓު ކެނޑިެއްޖެއެވެ. މިއަދު ހެނދުނު ހިނގި މިހާދިސާއާއި ގުޅިގެން ފްލެޓެއްގެ ލިފްޓު ތެރޭގައި ބަޔަކު ތާށިވެސްވިއެވެ.
ކަރަންޓު ކެނޑުނީ މައި ކޭބަލެއް ބުރިވެގެންކަމަށާއި އެކަން ހައްލުކުރުމަށް މަސައްކަތްކުރާކަމަށް ސްޓެލްކޯއިން ބުނެއެވެ.
ސްތެލްކޯއިން ބުނީ، ހިޔާޓަވަރުތަކަށް ކަރަންޓު ދިނުމަށް އަޅާފައިވާ ކޭބަލް މަރާމާތު ކުރުމަށް ގިނަ ވަގުތުތަކެއް ނަގާނެ ކަމަށް ބެލެވޭތީ، އެ ކޭބަލް އައިސޮލޭޓްކޮށް، އެހެން ކޭބަލެއް މެދުވެރިކޮށް ކަރަންޓު ދިނުމުގެ މަސައްކަތް މިހާރު ދަނީ ކުރެވެމުންކަމަށެވެ. މި މަސައްކަތަށް އެންމެ ގިނަވެގެންވެސް ހޭދަވާނީ 2 ގަޑިއިރު ކަމަށް ބެލެވޭކަމަށް ސްޓެލްކޯއިން ބުންޏެވެ.
މީގެ ކުރިންވެސް ހިޔާ ފްލެޓް ސަރަހައްދުގައި ކޭބަލެއް ކަނޑައިގެންގޮސް ކަރަންޓު ކެނޑިފައިވެއެވެ.
ކޮމެންޓު ފޮނުވާ