ދުނިޔޭޣެ އެންމެ ވަރުގަދަ އަދި ބޮޑެތި އެއަރލައިންތަކުންވެސް ކުރަން ނޫޅޭކަމެއް ޤައުމީ އެއަރލައިން މޯލްޑިވިއަނުން ކުރަން އުޅުމަކީ ބޮޑު ޖޯކެއްކަމަށް ވިދާޅުވެ އައިލެންޑް އޭވިއޭޝަންގެ ކުރީގެ ޑިރެކްޓަރ އޮފް އޮޕޮރޭޝަންސް ކެޕްޓަން މުހައްމަދު އަމީން ފާޑުވިދާޅުވެއްޖެއެވެ. އަމީން މިފަދައިން ފާޑުވިދާޅުވީ، މޯލްޑިވިއަނުން ފްލައިން ސްކޫލު ހިންގުމަށް ކުރާ ަމސައްކަތްތަކާއި ގުޅިގެންނެވެ. އެކުންފުނިން ފްލައިން ސްކޫލުގައި 18 މަސްހުގެ ކޯސްތައް ދިގުލައިގެންގޮސް ފަސް އަހަރަށް ދާކަމަށް ބައެއް ފަރާތްތަކުން އަންނަނީ ބުނަމުންނެވެ.

އެކަމަށް ފާޑުވިދާޅުވެ ކެޕްޓަން އަމީން ވިދާޅުވީ އައްޑޫ ފްލައިން ސްކޫލް ހުއްޓި ގިނަ ދިވެހި ދަރިވަރުންތަކެއް މަގުމަތިވީ ޤާއިމްވެފައި އޮތް ނިޒާމެއް ސަރުކާރުން "ފުނޑާލުމުން"ކަމަށެވެ.

Duniyege varugadha Airline thakunves kuran nooley kameh @MaidivainAero in kuran ulhumakee bodu jokeh!

Airline AOC/Flying school ATO akee mulhin dhekameh.

Addu flying school huhti, gina dhivehi dharivarun thakeh magumathi vee, estalished nizaamu @ibusolih Govt in fudaalumun! pic.twitter.com/cJXqDPg4qp

— Mohamed Ameen (@ameen3d) November 14, 2022

ޤައުމީ އެއަރލައިން މޯލްޑިވިއަންއަށް މާލީ ދަތިތަކެއް ކުރިމަތިވެ އެ ކުންފުނި ބަނގުރޫޓުވުމާއި ހަމާގައި އޮތްކަމަށް އިޤްތިޞާދީ ބައެއް ފަރާތްތަކުން ބުނެއެވެ. މޯލްޑިވިއަނުން ދޭ ޚިދުމަތުގެ ފެންވަރު ދަށްވުމުގެ ސަބަބުންވެސް އާންމުންގެ ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ.