މިމަހުގެ 4 ވަނަ ދުވަސް ކަމުގައިވި ހުކުރު ދުވަހަކީ ބޮލީވުޑްގެ ސިނަމާތަކުގައި ތިން ޖޯންރާއެއްގެ ފިލްމް ތިން ފިލްމް އެއްދުވަހަކާއި ރިލީޒް ކުރި ދުވަހެކެވެ. އެގޮތުން އަރަމުން އަންނަ ޒުވާން ބަތަލާ ޖާންވީ ކަޕޫރު ގެ "މިލީ" އާއި ބަތަލާ ސޮނާކްޝީ ސިންހާ ގެ "ޑަބަލް އެކްސްއެލް" އަދި ކާމިޔާބު ބަތަލާ ކެޓްރީނާ ކައިފް ގެ "ފޯން ބޫތް" ވަނީ ސިނަމާ ތަކުގައި ރިލީޒް ކޮށްފައިއެވެ.
ޖާންވީގެ "މިލީ" އަކީ ވަރަށް އަސަރުގަދަ ހިތާމެވި ކަންތަށް ތަކެއް ހިންގާ، ހަގީގީ ހާދިސާއެއްގެ މައްޗަށް ބިނާކޮށް ހަދައިފައިވާ ފިލްމްއެކެވެ. ނަމަވެސް ފިލްމް އަށް ލިބުނީ އުންމީދު ކުރި ވަރަށް ވުރެ ފިނި ތަރުހީބެކެވެ.
މި ފިލްމަކީ މަލަޔާލަމް ފިލްމު "ހެލަން"ގެ ހިންދީ ރިމޭކެކެވެ. މި ފިލްމް ޕޮރޮޑިއުސް ކުރަނީ ޖާންވީގެ ބައްޕަ ބޯނީ ކަޕޫރާއި ޒީ ސްޓޫޑިއޯ އިންނެވެ. ފިލްމް ޑަަަައިރެކްޓް ކުރާނީ އޮރިޖިނަލް ފިލްމްވެސް ޑައިރެކްޓް ކުރި މަތުކުއްޓީ ޒަވިއާއެވެ.
މި ފިލްމުގައި ޖާންވީއާއެކު ފެންނާނީ ސަނީ ކޯޝަލް އާއި މަނޯޖް ޕައްވާ އެވެ. މިއީ ޖާންވީ، އެނާގެ ބައްޕައާ އެކު މަސައްކަތްކުރާ ފުރަތަމަ ފިލްމެވެ.
ހަމަ އެދުވަހުގައި ވަނީ ސޮނާކްސީ ސިންހާގެ "ޑަބަލް އެކްސްއެލް" ވެސް ރިލީޒް ކޮށްފައިއެވެ. ސޮނާކްޝީ އާއި ހުމާ މި ފިލްމް ގެ ލީޑުން ފެނިގެދާއިރުގައި މި ދެތަރިންނަކީ ފިލްމު ކުޅެން ފެށިތާ ކައިރީގައި ހަށިގަނޑު ފަލަވުމުގެ ސަބަބުން ބެލުންތެރިންގެ ފާޑުކިޔުން އަމާޒުވީ ދެ ތަރިންނެވެ. މި ފިލްމަކީ މިފަދަ ފުރައްސާރަތަކާ ދެކޮޅަށް ތައްޔާރުކުރާ ފިލްމެކެވެ.
"ޑަބަލް އެކްސްއެލް" އަކީ ސަތުރަމް ރަމާނީ ޑައިރެކްޓް ކުރި ފިލްމްގައި ހުމާ އާއި ސޮނާކްޝީގެ އިތުރުން މި ފިލްމްގެ މުހިންމު ރޯލުތަކުން ޒަހީރް އިޤްބާލާއި ބޮލީވުޑަށް އަލަށް ތަޢާރަފްކުރާ މަހަތު ރާގަވެންދަރް ފެނިގެން ދާނެއެވެ. ނަމަވެސް މި ފިލްމް ވެސް ޖެހުނީ ބަލާނެ މީހަކު ނުވުމުން ސިނަމާތަކުން ނަގާށެވެ.
ކެޓްރީނާ ކައިފް އާއި އެކުގައި ޒުވާން ދެ ތަރިން ކަމުގައިވާ އިޝާން ކައްޓަރު އާއި ސިދާންތް ޗަކްރްވޭދީ ފެނިގެންދާ ފިލްމް "ފޯން ބޫތް" ވެސް ރިލީޒް ކުރީ މިމަހުގެ 4 ވަނަ ދުވަހުގައިއެވެ. ހުކުރު ދުވަހުގައި ރިލީޒް ކުރި މި ފިލްމް އަށް ވެސް ލިބިގެން ދިއައީ ވަރަށް ފިނި ތަރުހީބެކެވެ. ހިރޯ ކޮމެޑީ މި ފިލްމް އަށް ބެލުންތެއިންގެ ޝައުގެއް ދަމައެއް ނުގަނެވުނެވެ. މި ފިލްމަކީ ފަރުހާން އަޚްތަރާއި ރިތޭޝް ސިދުވާނީގެ އެކްސެލް އެންޓައިންމަންޓަށް ގުރްމީތު ސިންގް ޑައިރެކްޓްކޮށްފައިވާ އެއްޗެކެވެ.
