ޓްވިޓާގައި "ހަސަން ކުރުސީ"ގެ ނަމުގައި ޓްވީޓު ކުރާ މީހަކީ އެމަނިކުފާނު ނޫން ކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.
ހަސަން ކުރުސީގެ ނަމުގައި ޓުވީޓުކުރަނީ ރައީސް ނަޝީދުކަން ފަޅާއަރާފައިވާ ކަމަށް އައްޑޫ މީދޫ ދާއިރާގެ މަޖިލިސް މެންބަރު ރޮޒައިނާ އާދަމް ވަނީ މިފަހުން ވިދާޅުވެފައެވެ. އެކަމާ ގުޅިގެން ރައީސް ނަޝީދު މިއަދު ކުރެއްވި ޓުވީޓެއްގައި ވިދާޅުވީ، ހަސަން ކުރުސީއަކީ އެމަނިކުފާނު ލިޔާ ބައެއް ލިޔުންތަކުގެ ހަގީގީ/ހިޔާލީ ޝަހްސިއްޔަތެއް ކަމަށެވެ. އަދި ހަސަން ކުރުސީއަކީ އެމަނިކުފާނުގެ ތޮބިއްޔަތު ބަޔާން ނުކޮށްދޭ ޝަހްސިއްޔަތެއްކަން ދަންނަވަން އުނދަގޫ ކަމަށްވެސް ވިދާޅުވިއެވެ.
ނަޝީދު ކުރެއްވި ޓްވީޓެއްގައި އެހެން ވިދާޅުވީ، އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ޖީއެސްޓީ އާ ބެހޭ ގޮތުން، ހަސަން ކުރުސީއާ ދެމެދު ދެކެވުނު ވާހަކަ އަކަށް ރައްދު ދެއްވައެވެ. ނަޝީދުގެ ވެރިކަމުގައި ފަޅުތައް ބެހީ އެ މަނިކުފާނުގެ ގާތް އެކުވެރިންނަށް ކަމަށް ވިދާޅުވެ، ރޮޒައިނާ ކުރެއްވި ޓްވީޓަކަށް ހަސަން ކުރުސީ ވަނީ ރައްދު ދީފައެވެ. ހަސަން ކުރުސީގެ އެ ޓްވީޓާ ގުޅިގެން ރޮޒައިނާ ވިދާޅުވީ އެ އެކައުންޓަކީ ނަޝީދު ހިންގަވާ އެކައުންޓެއް ކަން "ފަޅާ އަރައިފައިވާ" ކަމަށެވެ.
Hassan Kurusee akee alhugaduge baeh liun thakuge haqeegee-hiyaalee shahseh. Eynaa akee alhugadu ge thobiyyath bayaan nukohdhey shahsiyatheh kamah dhanavan un’dhagoo. Ehenas, eynaa akee jismanee gothun alhugadeh noon.
— Mohamed Nasheed (@MohamedNasheed) November 13, 2022
ރޮޒައިނާގެ ވާހަކައާ ގުޅިގެން ނަޝީދު، ރަސްމީ ޓްވީޓާ އެކައުންޓުން ވިދާޅުވީ ހަސަން ކުރުސީގެ ނަމުގައި ބޭނުން ކުރަމުންދާ ޓްވިޓާ އެކައުންޓަކީ އެ މަނިކުފާނު ނޫން ކަމަށެވެ. ނަމަވެސް އެއީ އެ މަނިކުފާނުގެ ހިޔާލީ ޝަހުސެއް ކަމަށާއި އޭނާ އަކީ ޖިސްމާނީ ގޮތުން ނަޝީދު ނޫން ކަމަށް އޭނާ ވިދާޅުވިއެވެ.
ނަމަވެސް އެއީ ތޮބިއްޔަތު ބަޔާން ނުކޮށްދޭ ޝަހުސިއްޔަތެއް ކަމަށް ދަންނަަވަން އުނދަގޫ ކަމަށް ވެސް ނަޝީދު ވިދާޅުވި އެވެ. މީގެ ކުރިން ވެސް އެކި ސިޔާސީ ބޭފުޅުން ވަނީ އެ އެކައުންޓަކީ ނަޝީދު ހިންގަވާ ފޭކް އެކައުންޓެއް ކަމަށް ތުހުމަތު ކުރައްވައިފައެވެ.
"އަނެއް ދިވެހިރާއްޖެ" ނަމުގައި ޓްވިޓާގައި އެކައުންޓެއް ހަދައިގެން، އެއީ ނަޝީދު ކަމަށް އާންމުން ބުނަމުން ދަނިކޮށް ނަޝީދު ފަހުން ވަނީ އެއީ އެމަނިކުފާނުގެ ނުރަސްމީ އެކައުންޓެއް ކަމަށް ފަހުން އެއްބަސްވެ ވަޑައިގެންފައެވެ. ހަސަން ކުރުސީގެ ނަމުގައި ހަދާފައިވާ އެކައުންޓް މިހާރު ވަނީ ވެރިފައި ވެސް ކޮށްފައެވެ.
ކޮމެންޓު ފޮނުވާ