މި މަހުގެ 4 ވަނަ ދުވަހުގައި ރިލީޒް ކުރި ބަތަލާ ޖާންވީ ކަޕޫރުގެ ފިލްްމް "މިލީ" ކުޅުނު ދުވަސްވަރުގައި، އެ ފިލްމުގައި ކުޅެން ޖެހުނު ރޯލުގެ ސަބަބުން ނަފްސާނީ ގޮތުން ބަލިކަށިވެ ބޭސް ކާން ޖެހުނު ވާހަކަ އެވެ.
އޭނާ ބުނި ގޮތުގައި ދުވާލަކު 15 ވަރަކަށް ގަޑިއިރު ޑީޕް ފްރީޒަރު ތެރޭގައި ފިލްމު ޝޫޓް ކުރުމުގައި އޭނާ ވަގުތު ހޭދަކުރަން ޖެހުނެވެ. ބައެއް ދުވަސް ދުވަސް ދުވަހު އޭނާގެ ފައިގެ އިނގިލިތަކުގައި ކޮށާ މީދަލެއް ވެސް އެފްރީޒަރު ތެރޭ އުޅޭ ކަމަށް ބުންޏެވެ.
ޖާންވީ ބުނީ އެހާ ގިނައިރުގައި ޕްރީޒަރު ތެރޭގައި ޝޫޓިން ކުރިއަށް ގެންދާއިރުގައި ތަފާތު އިހުސާސް ކުރެވޭ ކަމަށާއި އަދި ފިލްމް އަކީ ހަގީގީ ހާދިސާ އެއް ކަމުން އެކަމާވެސް ވިސްނޭ ކަމަށެވެ. އަދި ޝޫޓިންގ އަށް ފަހުގައި ގެއަށް ގޮސް ނިދަން އުދަގޫވާކަމަށް ވެސް އޭނާ ވަނީ ބުނެފައިއެވެ.
ޖާންވީ ބުނީ ޝޫޓިންގ ނޫން ވަގުތު ތަކުގައި އުޅޭއިރުވެސް ހީވަނީ އެހެން ދުނިޔެއެއްގައި އުޅެވޭ ހެން ކަމަށާއި ވަރަށް ބޮޑަށް ފިލްމްގެ ސަބަބުން އޭނާ އަށް ނަފްސާނީ ކަންކަމާއި ކުރިމަތި ލާން ޖެހުންު ކަމަށެވެ.
މި ފިލްމް އަކީ ހަގީގީ ހާދިސާ އެއްގެ މައްޗަށް ބިނާކޮށް ހަދައިފައިވާ ވަރަށް އަސަރުގަދަ ފިލްމްއެކެވެ. ނަމަވެސް ފިލްމް އަށް ލިބިގެން ގޮސްފައިވަނީ ވަރަށް ފިނި ތަރުހީބެކެވެ. ޖާންވީގެ އިތުރުން މި ފިލްމްގައި ވިކީ ކޯޝާލްގެ ކޮއްކޮ ސަނީ ކޯޝާލް އާއި މަނީޖް ޕައްވާ، ސީމާ ޕައްވާ އަދި ސަންޖޭ ސުރީ ފަދަ ތަރިން ފެނިގެން ދިއައެވެ.
