ށ.މާއުނގޫދޫގައި ރޭ މީހެއްގެ ބަނޑަށް ވަޅިހެރި މައްސަލާގައި މީހަކު ހައްޔަރުކޮށްފިއެވެ.
ފުލުހުން ބައެއް މީޑިއާތަކަށް މަޢުލޫމާތުދެއްވާފައިވާގޮތުގައޮ ރޭގެ ޙާދިސާގެ މައުލުމާތު ފުލުހުންނަށް ލިބުނީ ރޭ 12:40 ހާއިރުއެވެ. އަދި މި ހާދިސާގައި އަނިޔާވީ ޢުމުރުން 31 އަހަރުގެ މީހަކަށާއި، ޢުމުރުން 25 އަހަރުގެ މީހަކަށް ފުލުހުން ވިދާޅުވެފައިވެއެވެ. މި މައްސަލައާ ގުޅިގެން ފުލުހުން ހައްޔަރުކޮށްފައި ވަނީ ޢުމުރުން 31 އަހަރުގެ މީހެއްކަމަށް ފުލުހުން ވިދާޅުވެފައިވެއެވެ.
ރޭގެ ވަގުތެއްގައި ހިނގި މިމާރާމާރީގައި ތިން މީހެއް ހިމެނޭކަމަށާ، ތިން މީހުންނަށްވެސް އެހިވަރުގެ ހާނީއްކަވެފައިވާކަމަށް މަޢުލޫމާތު ލިބެއެވެ. މިމާރާމާރީގައި އެކަކުވަނީ ވަރަށްބޮޑަށ ޒަޚަމްވެފައެވެ. އެމީހާއަށް މާއުނގޫދޫ ސިއްްހީ މަރުކަޒުގައި ފަރުވާ ދިނުމަށްފަހު އިތުރު ފަރުވާއަށް ހދ.ކުޅުދުއްފުށި ރީޖަނަލް ހޮސްޕިޓަލަށް ގެންގޮސްފައިވާކަމަށް މަޢުލޫމާތު ލިބެއެވެ. އޭނާގެ ބަނޑަށް ވަނީ ވަޅި ހަރާފައެވެ. މިމާމާރާ މާރީގައި ހާނީއްކަވި އިތުރު މީހަކަަށް މާއުނގޫދޫ ސިއްހީ މަރުކަޒުގައިވެސް ވަނީ ފަރުވާ ދީފައެވެ.
މިމާރާމާރީ ހިނގީ ރޭ މެންދަމު 12:00 ހާއިރުއެވެ.
