ކެވިން ޑި ބުރޭނާގެ ގޯލުން ލެސްޓަރ ސިޓީ އަތުން ޗެމްޕިއަން މެންޗެސްޓަރ ސިޓީ މޮޅުވެއްޖެއެވެ.
މެންޗެސްޓާ ސިޓީ އަދި ލެސްޓާ ސިޓީ ބައްދަލު ކުރި މެޗުގައި ސިޓީއަށް ގޯލު ކާމިޔާބު ކޮށްދިނީ މެޗުގެ 49 މިނެޓުގައި ބެލްޖިއަމްގެ ކެވިން ޑިބްރޭނާއެވެ. ދެވަނަ ހާފުގައި ލެސްޓާއަށް ގޯލު ޖެހުމަށް ރަނުގެ ފުރުސަތުތަކެއް ލިބުނު ނަމަވެސް، އެޓީމުން އުފެއްދި ހަމަލާތައް ވަނީ ނާކާމިޔާބު ވެފައެވެ. ރޭގެ މެޗުގައި އެޓީމުގެ އިތުބާރު ފޯވާޑް އާލިން ހާލަންޑް އަރުވާފައެއް ނުވެއެވެ.
ހާލާންޑް އެންމެ ފަހުން މެޗުގައި ބަދަލުކުރީވެސް މުޅިން ފިޓްނުވުމުންނެވެ. މިމެޗުގައި ހާލާންޑްގެ ބަދަލުގައި ފުރަތަމަ އެގާރައިން ފުރުޞަތު ދިނީ އާޖެންޓީނާގެ ޒުވާން ފޯވާޑް އަލްވާރޭޒްއަށެވެ.
މެޗުން މޮޅުވުމުން ސިޓީ ވަނީ ވަގުތީގޮތުން ތާވަލްގެ އެއްވަނައަށް ޖެހިލާފައެވެ. އެއީ 12 މެޗުން 29 ޕޮއިންޓް ހޯދއިގެންނެވެ. 11 މެޗުން 28 ޕޮއިންޓްގައި އޮތް އާސެނަލް ނޮޓިންގހަމް ފޮރެސްޓް ބަލިކޮށްގެން އަލުން އެއްވަނައަށް ޖެހިލެވޭނެއެވެ. އެމެޗު ކުޅޭނީ މިރޭ ރާއްޖެ ގަޑިން 19:00 ގައެވެ.
