ސްރީލަންކާއަށް ބޭރުގެ އެހީ ހޯދުމުގެ މަސައްކަތްތައް ކޯޑިނޭޓް ކުރައްވަން ހަވާލު ކުރައްވާފައިވާ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ލަންކާގެ ރައީސް ރަނިލް ވިކްރަމަ ސިންހައާއި ބައްދަލު ކުރައްވައިފިއެވެ.
ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ރަސްމީ ދަތުރުފުޅެއްގައި އެމެރިކާގެ ވޮޝިންގޓަނަށް ކުރެއްވި ދަތުރު ނިންމަވާލައިގައި ރާއްޖެ ވަޑައިގަތް މަގުމަތީގައި ލަންކާގައި މަޑުކުރުމަށްފަހު ވަނީ ލަންކާގެ ރައީސާއި ބައްދަލު ކުރައްވާފައެވެ.
މިބައްދަލުވުމުގެ މާބޮޑު ތަފްސީލެއް މަޖިލީހުންވެސް އަދި ލަންކާ ސަރުކާރުންވެސް ހާމަކޮށްފައި ނުވެއެވެ. ބޮޑަށް ބެލެވެނީ މިބައްދަލުވުމަކީ ރާއްޖެ އައި މަގުމަތީގައި ލަންކާގައި މަޑުކުރައްވަން ބޭނުންފުޅުވުމުން ބޭއްވި ބައްދަލުވުމެއްގެ ގޮތުގައެވެ.
Honorable President @MohamedNasheed, MP, Speaker of the People’s Majlis calls on President of Sri Lanka His Excellency Ranil Wickremasinghale. pic.twitter.com/OHr2Yx1NBN
— People's Majlis (@mvpeoplesmajlis) October 21, 2022
ސްރީލަންކާއަށް ބޭރުގެ އެހީ ހޯދުމުގެ މަސައްކަތްތައް ކޯޑިނޭޓް ކުރައްވަން ނަޝީދުއާ ހަވާލުކުރައްވިފަހުން ލަންކާއަށް އެމަނިކުފާނުގެ ފަރާތްޕުޅުން މާބޮޑު އެހީތަކެއް ލިބުނުކަމެއް މިހާތަނަށް އެނގިފައި ނުވެއެވެ. އަދި ލަންކާގައި ހިނގައިދިޔަ ހަމަނުޖެހުމުގެ ތެރެއަށް ރައީސް ނަޝީދު ވަންނަވައި، ލަންކާގެ އޭރުގެ ރައީސް ގޮތަބަޔާ ފިއްލަވައިގެން ރާއްޖެއަށް ވަޑައިގެންނެވުމުގެ ފުރުސަތު ރައީސް ނަޝީދު ދެއްވުމުން ރައީސް ނަޝީދަށް ލަންކާގެ ގިނަ ރައްޔިތުންގެ ނުރުހުން ވަނީ އަމާޒުވެފައެވެ.
ކޮމެންޓު ފޮނުވާ