ވަރަށް ތަފާތު ކެރެކްޓަރ އަކުން ވަރުން ދަވަން ފެނިގެންދާ ފިލްްމު "ބޭޅިޔާ" ގެ ޓްރެއިލާ މިދިޔަ ހަފްތާގައި ވަނީ އާންމުކޮށްފައެވެ.
މިއީ އަމަރު ކޯޝިކް ލިޔެ ޑައިރެކްޓްކުރާ ހޮރޯ ކޮމެޑީއެކެވެ. އޭނާ އަކީ 2018ގެ އެންމެ ކާމިޔާބު އެއް ފިލްމު ކަމަށްވާ ހޮރޯ ކޮމެޑީ "ސްތިރީ" ގެނެސްދިން ޑައިރެކްޓަރެވެ. އަމަރު އެންމެ ފަހުން ބެލުންތެރިންނަށް ގެނެސްދިން ފިލްމަކީ 2019ގެ "ބާލާ" އެވެ.
"ބޭޅިޔާ"ގައި ވަރުންއާ އެކުގައި ފެނިގެން ދާނީ ކްރިތީ ސެނޮން އެވެ. ވަރުން ހިޔަޅެއްގެ ގޮތުގައި ފެނިގެންދާ މި ފިލްމުގައި ކްރިތީ ފެނިގެންދަނި ޑޮކްޓަރެއްގެ ގޮތުގައެވެ.
މި ދެތަރިން މީގެކުރިން ވެސް އެކުގައި ފިލްމަކުން ފެނިގެން ގޮސްފައި ވެއެވެ. އެއީ ރޯހިތު ޝެޓީގެ "ދިލްވާލޭ" އެވެ. ދެތަރިން އެކުގައި ދެވަނަ ފިލްމަ އަކުން ފެނިގެންދާއިރު މި ދެ ފިލްމަކީ ވެސް ވަރަށް ތަފާތު ޖޯންރާގެ ދެ ފިލްމެވެ.
इस कहानी का नाम है #Bhediya!🐺🔥
Presenting the official trailer of India's first creature-comedy, Bhediya!
In cinemas on 25th Nov in 2D & 3D. #BhediyaTrailer pic.twitter.com/HH6c2vIPp2
— Maddockfilms (@MaddockFilms) October 19, 2022
މިއީ ވަރުން މިކަހަލަ ރޯލަކުން ފެނިގެން ދާ ފުރަތަމަ ފަހަރެވެ. މި ފިލްމަކީ ވަރަށް ގިނަ އަދަދަކަށް ވީއެފްއެކްސް ވެސް ހިމެނޭ ފިލްމެކެވެ. ފިލްމު ރިލިޒް ކުރުމަށް ހަމަޖެހިފައިވަނީ 25 ނޮވެމްބަރ ގައެވެ.
