ވަރުން ދަވަން އާއި ސައުތުގެ މަޝްހޫރު ބަތަލާ ސަމަންތާ ރޫތު ޕަރަބޫ ލީޑުން ފެނިގެންދާ "ސިޓަޑެލް" ގެ އިންޑިއާ ވާޝަންގެ ރޯލަކަށް ސާގިބް ސަލީމު ސޮއިކޮށްފިއެވެ.
ރުސޯ ބްރާދާސް އިން ބޮލިވުޑް/ ހޮލީވުޑްގެ ބަތަލާ ޕްރިޔަންކާ ޗޯޕްޅާ އާއި ރިޗަޑް މެޑެން ހިނަމައިގެން ގެނެސްދޭން ތައްޔާރުވަމުން އަންނަ ހޮލީވުޑްގެ ވެބް ސީރީޒް "ސިޓަޑެލް" ގެ އިންޑިއާ ވާޝަން ޑައިރެކްޓް ކުރަން ހަމަޖެހިފައިވަނީ ރާޖް އެންޑް ޑީކޭ އެވެ.
View this post on Instagram
މިއީ ސަމަންތާ އާއި ވަރުން އެކުގައި ފެނިގެންދާނެ ފުރަތަމަ ޕްރޮޖެކްޓެވެ. ޝޫޓިން އަދި ފަށައިފައިނުވާ "ސިޓަޑެލް"ގެ ރޯލަށް ސާގިބް މިހާރު ދަނީ ތައްޔާރުވަމުން ކަމަށް ބޮލީވުޑްގެ ޚަބަރުތަށް ގެނެސްދޭ ނޫސްތަކުން ވަނީ ބުނެފައެވެ.
View this post on Instagram
ވަރުންގެ ބޭބެ ރޯހިތު ދަވަން ޑައިރެކްޓްކުރި 2016 ގެ "ޑިޝޫމް" ގައި މީގެ ކުރިން ވަރުން އާއި އެކުގައި ސާގިބް ވަނީ މަސައްކަތް ކޮށްފައިއެވެ. "ސިޓަޑެލް" ގެ ޝޫޓިން އަންނަ މަހުގެ ތެރޭގައި ފެށޭނެއެވެ. އިންޑިއާގެ އިތުރުން ގައުމުން ބޭރުގައިވެސް މީގެ ޝޫޓިންތަށް ގެންދިއުމަށް ވަނީ ނިންމާފައެވެ.
View this post on Instagram
ބަތަލާ ހުމާ ގްރޭޝީގެ ކޮއްކޮ ސާގިބްގެ ފިލްމު ތަކުގެ ތެރޭގައި "ރޭސް 3″، "މޭރޭ ޑޭޑް ކީ މަރޫޓީ"، "83″ އަދި "ދުބާރާ: ސީ ޔީ އީވިލް" ހިމެނެ އެވެ.
