ފާއިތުވި ދެއަހަރު އިސްލާމީ މަރުކަޒުގެ މިންބަރުން އަބަދުވެސް ފެންނަނީ އެއްބައެއްކަމަށާއި، ބޮޑެތި ގިނަ ދީނީ ޢިލްމުވެރިންނަށް ފުރުޞަތު ނުދޭކަމަށް ޢަލީ ރަމީޒް ވިދާޅުވެއްޖެއެވެ.
މިއަދުގެ ހުކުރު ނަމާދަށް ފަހު ޢަލީ ރަމީޒް ކުރެއްވި ޓްވީޓެއްގައި ވަނީ އިސްލާމީ މަރުކަޒުގެ މިންބަރުން އަބަދު އެއްބަޔަކު ފެންނަނީ ކީއްވެގެންތޯ ސުވާލުކުރައްވާފައެވެ. އަދި ފާއިތުވި 2 އަހަރު ދުވަހުގެ ތެރޭގައި ފެންނަނީ ގާތްގަނޑަކަށް ހައެއްހަ ޚަތީބުން ހުކުރުކުރާތަންކަމަށާއި، ރާއްޖޭގެ ބޮޑެތި ގިނަ ޢިލްމުވެރިންނަށް ފުރުޞަތު ނުދޭކަމަށް ޢަލީ ރަމީޒް ވިދާޅުވިއެވެ.
އެބޭފުޅުން އެ މިންބަރަށް ކުފޫ ހަމަ ނުވަނީތޯ؟
-ޢަލީ ރަމީޒް ސުވާލު އުފެއްދެވިއެވެ.
Islami marukaz ge minbarun abadhuves repeat face thakeh mi fennanee keevve tho? Faaithuvee 2 aharu gaaiygandakah hayekka khatheebun hukuru kuraa than mi fenunee. Raajjeyge bodethi, gina ilmuverinnah furusatheh nudhey. Ebeyfulhun e minbarah kufoo hama nuvanee tho?
— Ali Rameez (@aliramyz) November 20, 2020
ޢަލީ ރަމީޒް އަންނަނީ މުޖުތަމަޢުގެ ތެރޭގައި ހުންނަ އެފަދަ ދީނާ ގުޅުންހުރި ކަންކަމާ ގުޅޭގޮތުން ޚިޔާލުފާޅުކުރަމުންނެވެ. އަދި ޢަލީ ރަމީޒްގެ އެފަދަ ވާހަކަތަކަށް ގިނަބަޔަކު ތާޢީދުކުރަމުންދެއެވެ.
ޢަލީ ރަމީޒްގެ އެވާހަކަފުޅާއި ގުޅިގެން ޚިޔާލުފާޅުކުރެއްވި ދީނީ ޢިލްމުވެރިޔާ އިބްރާހީމް ޖަނާބު ވިދާޅުވެފައިވަނީ އެމްޑީއެން އާއި ދެކޮޅަށް އަޑު އުފުލާ ޝެއިޚުންނަށް ފުރުޞަތު ނުދޭނެކަމަށް އަޑު އިފިފައިވާކަމަށެވެ. އަދި ތަޙްގީގު ހިންގައިގެން ވާނުވާ ބަލަންޖެހޭކަމަށްވެސް އޭނާ ވިދާޅުވެފައިވެއެވެ.
ކޮމެންޓު ފޮނުވާ