އޮޑިޓް އޮފީހުން އަންނަ އަހަރަށް ލަފާކޮށް 95 މިލިއަން ރުފިޔާގެ ބަޖެޓެއް މާލިއްޔަތު ކޮމިޓީއަށް ހުށަހަޅައިފިއެވެ.
އޮޑިޓް އޮފީހުން އަންނަ އަހަރަށް ލާފާކޮށް އެ އޮފީހުގެ މެނޭޖަރު މަރިޔަމް މަފާޒާ މާލިއްޔަތު ކޮމިޓީއަށް ހުށަހެޅުއްވި 95 މިލިއަން ރުފިޔާގެ ބަޖެޓްގައި ހިމަނުއްވާފައިވަނީ 62 މިލިއަން ރުފިޔާގެ ރިކަރަންޓް ޚަރަދުގެ އިތުރުން ކެޕިޓަލް ޚަރަދަށް ލަފާ ކޮށްފައިވާ 32 މިލިއަން ރުފިޔާއެވެ.
އޮޑިޓް އޮފީހުން މާލިއްޔަތު ކޮމިޓީއަށް މައުލޫމާތު ދެމުން ވިދާޅުވެފައިވަނީ، ކުރީ އަހަރަށްވުރެ މިއަހަރުގެ ބަޖެޓް ބޮޑު ވެފައިވަނީ، ކައުންސިލްތައް އޮޑިޓް ކުރުމަށް ކުރާންޖެހޭ ޚަރަދާތަކުގެ އިތުރުން އިންހައުސްކޮށް އެ އޮފީހުން ކުރާންޖެހިފައިވާ އޮޑިޓްތަކުގެ ޚަރަދު މަތިވުމާއި ގުޅިގެން ކަމުގައެވެ.
މިގޮތުން އަންނަ އަހަރު އެ އޮފީހުން 88 ކައުންސިލެއް އޮޑިޓް ކުރުމަށް ހަމަޖެހިފައިވާއިރު، ބާކީ ހުރި ކައުންސިލްތައް އޮޑިޓް ކުރުމަށް ހަމަޖެހިފައިވަނީ އައުޓް ސޯސް ކޮށްގެންނެވެ. އަންނަ އަހަރު އޮޑިޓް އޮފީހުން ޖުމްލަ 327 އޮޑިޓެއް ކުރުމަށް ހަޖެހިފައިވާ ކަމަށްވެސް އެ އޮފީހުން މާލިއްޔަތު ކޮމިޓީއަށް މައުލޫމާތު ދީގައި ވެއެވެ.
ހިގަމުން މިދާ އަހަރުގައި އޮޑިޓް އޮފީހަށް ދިނުމަށް 2021 ވަނަ އަހަރު މަޖިލިހުން ފާސް ކޮށްފައިވަނީ 90.3 މިލިއަން ރުފިޔާގެ ބަޖެޓެކެވެ. އޮޑިޓް އޮފީހުގެ ބަޖެޓަކީ ކޮންމެ އަހަރަކުވެސް މާލިއްޔަތު ކޮމިޓީން ވަކިން ފާސްކުރާ ބަޖެޓެކެވެ.
