ސައުތުގެ މަޝްހޫރު އެއް ބަތަކާ ސަމަންތާ ރޫތް ޕްރަބޫ އޭނާގެ ކުރިއަށް އޮތް ވެބް ސީރީޒް އަށް ހިންދީ ބަސް ދަސްކުރަން ފަށައިފައިވާ ކަމަށް ހަބަރުތަށް ބުނެފިއެވެ.
ވެބް ސީރީޒް "ދަ ސިޓަޑެލް" އަށް ސަމަންތާ ސޮއި ކޮށްފައިވާ އިރުގައި މި ސީރީޒް އަށް ތައްޔާރުވުމުގެ ގޮތުން ފަރިތަކޮން ހިންދީ ބަހުން ވާހަކަ ދައްކަން ސަމަންތާ އަންނަނީ ކޯޗެއްގެ އެހީ ހޯދަމުންކަމުން ވެއެވެ.
ސަމަންތާގެ ގާތް ރަހުމަތެރިއަކާއި ހަވާލާދީ ބޮލީވުޑްގެ ހަބަރުތަށް ގެނެސްދޭ ނޫސްތަކުން ރިޕޯޓްކޮށްފައިވާ ގޮތުގައި އޭނާ އަންނަނީ ހިންދީ ބަހުން ފަރުތަކޮން ވާހަކަ ދަންކަން ދަސްކުރަން ޓިއުޝަން ނަގަމުންނެވެ.
View this post on Instagram
ސަމަންތާ އަށް ހިންދީބަހުން ވާހަކަ ދައްކަން އެގެއެވެ. ނަމަވެސް އަދި އެކްސެންޓްގައި އަބުއި ގޮތެއް ހުންނާތީ އެހެންވެ އެކަންކަން ރަނގަޅު ކުރަން މަސަައްކަތް ކުރަނީ ކަމަށްވެއެވެ.
ސައުތުގެ އެންމެ ކާމިޔާބު އެއްބަތަލާ ކަމުގައިވާ ސަމަންތާ އަންނަނީ ބޮލީވުޑްގައިވެސް ކާމިޔާބީ ހޯދުމަށް މަސައްކަތް ކުރަމުންނެވެ. ސަމަންތާގެ އިތުރުން ސައުތުގެ ގިނަ ތަރިން މިހާރު އަންނަނީ ބޮލީވުޑަގައިވެސް މަސައްކަތް ކުރަމުންނެވެ.
ނަމަވެސް އެތަރިންނަށްވެސް ހިންދީ ބަހުން ވާހަކަދެއްކުމުގެ ދަތިތަކާ ކުރިމަތިވެއެވެ. އަދި މީގެ އިތުރުން ބައެއް ތަރިންނަށް ހިންދީ ބަސް ނުވެސް އެނގެއެވެ.
View this post on Instagram
ސަމަންތާ އެންމެ ފަހުން ފެނިގެން ގޮސްފައިވަނީ "ކަތުވާކުލަ ކެންޑޫ ކާދަލް" ކިޔާ ރޮމޭންޓިކް ކޮމެޑީއަކުންނެވެ. އޭނާ ވަނީ ކާމިޔާބު ފިލްމް "ޕުޝްޕާ" ގެ އައިޓަމް ސޯންގ "އޫ އަންޓަ މާވަ" އިން ގިނަބައެއްގެ މަގުބޫލުކަން ހޯދައިފައިއެވެ.
