އޭޓީކޭ މޯހަން ބަގާންއާއި ކެރެލާ ބްލާސްޓާގެ މެޗުން، އިންޑިއަން ސުޕާ ލީގު މިރޭ ފުށުމައް ހަމަޖެހިއްޖެއެވެ.

މުބާރާތް ހުޅުވާ މެޗުގައި މިރޭ ވާދަކުރާނީ އިންޑިއަން ސުޕާ ލީގުގެ އެންމެ ފަހުގެ ޗެމްޕިއަން އެތްލެޓިކޯ ޑި ކޮލްކަތާ- އޭޓީކޭއާ އައި ލީގުގެ ޗެމްޕިއަން މޯހަން ބަގާން އެއްކޮށްލައިގެން އުފައްދާފައިވާ އޭޓީކޭ މޯހަން ބަގާންއާއި ކެރެލާ ބްލާސްޓާ އެވެ. މީގެ ތެރެއިން އޭޓީކޭ މޯހަން ބަގާންއަކީ އަންނަ އަހަރުގެ އޭއެފްސީ ކަޕުގައި ރާއްޖޭގެ މާޒިޔާއާ އެއް ގްރޫޕެއްގައި ހިމެނޭ ޓީމެކެވެ.