އިސްލާމީ ދުނިޔޭގައި ގިނަ ބައެއްގެ މަޤުބޫލުކަން ހޯދާފައިވާ މަޝްހޫރު ދީނީ ޢިލްމުވެރިޔާ މުފްތީ މެންކްގެ ދަރުހާއި އެއްރެއެއްގައި ބައިސްކޯފުން އިންތިޒާމުކޮށްގެން އެދުވަހު ބާއްވަން ނިންމާފައި އޮތް ”ޗަނާޗާ 2022“ ޝޯ ފަސްކޮށްފިއެވެ.
އިސްލާމިކް މިނިސްޓްރީން މިދިޔަ މަހު ބުނެފައިވަނީ ރާއްޖޭގައި ދީނީ ތަޤްރީރު ދެއްވުމަށް މުފްތީ މެންކް މިމަހުގެ 28 ވަނަ ދުވަހުން ފެށިގެން 31 ވަނަ ދުވަހުގެ ނިޔަލަށް ރާއްޖެއަށް ދަތުރުކުރައްވާނެކަމަށެވެ. އަދި މެންކްގެ ރާއްޖެއަށް ކުރައްވާ ދަތުރުފުޅުގައި މާލެއާއި އައްޑޫ ސިޓީއާއި ފުވައްމުލައް ސިޓީގައި ދީނީ ތަޤްރީރު ދެއްވުމަށް ހަމަޖެހިފައިވާކަމަށް މިނިސްޓްރީން ވިދާޅުވެއެވެ.
އެގޮތުން 28 ވަނަ ދުވަހުގެރޭ މާލޭގެ ކާނިވާ ސަރަހައްދުގައި ދަރުސް ބޭއްވުމަށް ހަމަޖެހިފައިވާކަމަށެވެ. އިސްލާމި މިނިސްޓްރީން ދަރުސް 28 ވަނަ ދުވަހުގެރޭ ބާއްވަން ނިންމާފައި ވަނިކޮށް، ބައިސްކޯފުން ވަނީ ހަމަ އެރޭ ލަންކާގެ ލަވަކިޔުންތެރިޔާ ޔޮހާނީގެ ޝޯއެއް ހުޅުމާލޭގައި ބޭއްވުމަށް ނިންމާފައިވާކަން ހާމަކޮށްފައެވެ.
ނަމަވެސް ސޯޝަލް މީޑިއާގައި ގިނަބައެއްގެ ފާޑުކިޔުން އަމާޒުވެ، ބޮޑު ބަހުސަކަށް މިކަން ދިއުމުން ބައިސްކޯފުން ވަނީ ޝޯ 29 ވަނަ ދުވަހުގެ ރެއަށް ފަސްކޮށްފައެވެ. އެ ޝޯ އޮންނާނީ އެ ދުވަހުގެ ހަވީރު 16:00 އިން 18:00 އަށް އަދި އެރޭ 20:00 އިން 00:00 އަށެވެ. ހަވީރު އޮންނަ ޝޯއަށް ހިލޭ ވަދެވެއެވެ. އެކަމަކު ރޭގަނޑުގެ ޝޯއަށް 150 ރުފިޔާގެ ޓިކެޓެއް ނަގަންޖެހެއެވެ.
Baiskoafu team has been planning #Chanaachaa2022 for 28th Oct
2022, for the past couple of months. However, it has come to our attention that there is another major gathering coinciding on the same day. pic.twitter.com/YLr0vzies2— Baiskoafu (@baiskoafu) October 13, 2022
އުމުރުން 28 އަހަރުުގެ ޔޮހާނީގެ އަޑުގައި އެތައް ބަޔަކު ޖެހުނީ އޭނާގެ އަޑުން ކިޔާފައިވާ މަނިކޭ މަގޭ ހިތޭ ލަވައާއި އެކުގައެވެ. އޭގެ ކުރިންވެސް އޭނާ ލަވަ ކިޔައެވެ. އެހެން ނަމަވެސް މުޅި ދުނިޔޭގެ ސަމާލުކަން އޭނާ އަށް ލިބިދާނެ ކަމަށް އޭނާ އެއްވެސް ވަރަކަށް ހީވެސް ނުކުރެއެވެ. އޭނާ ވަނީ ލަވަތަކުގެ ރަސްކަން ކުރަމުންދާ އިންޑިއާގެ ބޮލީވުޑަށްވެސް ލަވައެއް ކިޔާފައެވެ.
ކޮމެންޓު ފޮނުވާ