ބޮލީވުޑްގެ ޒުވާން ތަރި، ޖާންވީ ކަޕޫރުގެ ކުރިއަށް އޮތް ފިލްމު "މިލީ" ގެ ޓީޒާއެއް ދައްކާލައިފިއެވެ.
މި ފިލްމަކީ މަލަޔާލަމް ފިލްމު "ހެލަން"ގެ ހިންދީ ރިމޭކެކެވެ. މި ފިލްމު އިއުލާން ކޮށްފައިވަނީ މިދިއަ އަހަރުއެވެ.
ރިޕޯޓްތައް ބުނާގޮތުގައި "ހެލަން" ގައި ޖާންވީ ކުޅޭ ކެރެކްޓާގެ ނަމަކީ މިލީއެވެ. ކެނެޑާގައި ހިނގާ ކަންތައްތަކެއް ހިމެނޭ ވާހަކައަކަށް ބިނާކޮށް މިފިލްމު ހެދިނަމަވެސް އިންޑިއާގައި މުޅި ފިލްމު ޝޫޓްކުރަން ނިންމީ ކޯވިޑް-19ގެ ސަބަބުން ގައުމު ތަކަށް ދަތުރު ކުރުމަށް ކުރިމަތިވެފައިވާ ދަތިތަކުގެ ސަބަބުންނެވެ.
މި ފިލްމް ޕޮރޮޑިއުސް ކުރަނީ ޖާންވީގެ ބައްޕަ ބޯނީ ކަޕޫރާއި ޒީ ސްޓޫޑިއޯ އިންނެވެ. ފިލްމް ޑަަަައިރެކްޓް ކުރާނީ އޮރިޖިނަލް ފިލްމްވެސް ޑައިރެކްޓް ކުރި މަތުކުއްޓީ ޒަވިއާއެވެ.
މި ފިލްމުގައި ޖާންވީއާއެކު ފެންނާނީ ސަނީ ކޯޝަލް އާއި މަނޯޖް ޕައްވާ އެވެ. މިއީ ޖާންވީ، އެނާގެ ބައްޕައާ އެކު މަސައްކަތްކުރާ ފުރަތަމަ ފިލްމެވެ. މިއީ އަންނަ މަހުގެ 4 ވަނަ ދުވަހު ސިނަމާގައި އަޅުވަން ތައްޔާރުވަމުން އަންނަ ފިލްމެކެވެ.
