ޔުއެފާ ޗެމްޕިއަންސް ލީގުގައި ރޭ އެއް ކުޅުންތެރިއަކު މަދުކޮށް މެޗުގެ ބޮޑުބައި ކުޅުނު އޭސީ މިލާން އަތުން ޗެލްސީ 2-0 އިން މޮޅުވެއްޖެއެވެ.
ޗެލްސީ މެޗުގެ ފުރަތަމަ ހާފުގައި ދެ ޓީމުން ވެސް އައީ ބޯޅަ ހިފެހެއްޓުމުގެ ބަދަލުގައި އެޓޭކް ކުރެވޭތޯ މަސައްކަތް ކުރަމުންނެވެ. މި މެޗުގެ ފުރަތަމަ ދިހަ މިނެޓުގައި މިލާންގެ ފޯވާޑް އޮލިވިއާ ޖިރޯޑް ހަމަލާތައް އުފައްދަން މަސައްކަތް ކުރި ނަމަވެސް ޗެލްސީގެ ޑިފެންޑަރު ކަލިޑައޫ ކޮލިބަލީ ވަނީ މޮޅު ޓެކުލްތަކެއް ޖަހާ ހަމަލާތައް ދިފާއުކޮށްފައެވެ.
އޭސީ މިލާން ދަނޑުގައި ޗެލްސީން ލީޑުނެގީ މެޗުގެ 21 ވަނަ މިނިޓްގައި ޖޯޖީނިއޯ ޖެހި ޕެނަލްޓީންނެވެ. މިއީ މިލާންގެ ފިކާޔޯ ޓޮމޯރީ އޭރިއާތެރެއިން ޗެލްސީގެ މޭސަން މައުންޓަށް ކުރި ފައުލަކަށް ދިން ޕެނަލްޓީ އެކެވެ. ކުރިން ޗެލްސީ އަށް ކުޅުނު ޓޮމޯރީ އަށް ވަނީ މި ފައުލަށް ރަތް ކާޑެއް ދައްކައިފައެވެ.
ކުޅުންތެރިއަކު މަދުކޮށް ކުޅެވެސް ނަތީޖާ ހަމަހަމަކުރަން މިލާނުން ވަނީ ރަނގަޅު ފުރުސަތެއް ހޯދައިފައެވެ. ކުރިން ޗެލްސީ އާއި އާސެނަލަށް ކުޅުނު ފްރާންސްގެ ފޯވާޑް އޮލީވިއޭ ޖިރޫޑް ބޮލުން ޖެހި ބޯޅަ ގޯލާ ސީދާނުވިއެވެ. ޗެލްސީގެ ދެ ވަނަ ގޯލު ޖެހީ މެޗުގެ 34 ވަނަ މިނިޓްގައި ޕިއޭ އެމެރިކް އޮބާމަޔަންއެވެ. މިއީ މައުންޓް ޖައްސާލި ބޯޅައެއް އޭރިއާތެރެއިން ހޯދައި، ގޯލުގެ ކައިރީ ކަނަށް ފޮނުވާލައިގެން އޮބާމަޔަން ޖެހި ގޯލެކެވެ.
މި މޮޅާއެކު ޗެލްސީ އޮތީ ޖުމުލަ ހަތް ޕޮއިންޓާއެކު ތާވަލުގެ އެއްވަނައިގައެވެ.
