ގދ. ރަތަފަންދޫއަށް ރައީސް ސާލިހުގެ ސަރުކާރުން ވައުދުވި ހުރިހާ ވައުދެއް ރަނުން ރަނަށް ފުއްދާ ދެއްވަމުން ގެންދަވާ ކަމުގައި ޓްރޭޑް ޔޫނިއަންގެ ނައިބް ރައީސް އަދި ކުރީގެ ގްރޭޓަރ މާލޭ އިންޑަސްޓްރިއަލް ޒޯން ލިމިޓެޑް ކުންފުނީގެ ބޯޑުގެ ޗެއަރމަން ސައުދުﷲ އަހުމަދު ވިދާޅުވެއްޖެއެވެ.
ގދ. ރަތަފަންދޫ ގޮނޑުދޮށް ހިމާޔަތް ކުރުމުގެ މަޝްރޫއުގެ އަމަލީ މަސައްކަތް ފެށުމަށް އެރަށަށް ބޭނުންވާ ތަކެތި ރަށަށް އެރުވުމާއި ގުޅިގެން ސައުދު ކުރެއްވި ޓުވީޓެއްގައި ވިދާޅުވީ މި ސަރުކާރުން ރަތަފަންދޫގެ ރައްޔިތުންގެ ދިރިއުޅުން އުޖާލާ ކޮށްފި ކަމަށާއި، ސަރުކާރުން ކުރިޔަށް ގެންދާ ތަރައްގީގެ މަޝްރޫއުތަކުގެ ނަތީޖާއެއްގެ ގޮތުން ރައްޔިތުންނަށް ފައިމައްޗަށް ތެދުވާން އިތުރު ހިތްވަރެއް ލިބިގެން ހިގައްޖެ ކަމުގައެވެ.
libigen dhiya.Rashuge thibegen dhiriulhun aa harufathakah gendhan furusathu thakeh hulhuvigen higajje.Raees @ibusolih vaudhu fuhdhumah mi masahkathuge minister @iameeru adhi hingaalaa chairperson Ahu @faya_i dhin ehbaaru lumaai eheetherikamah Rashu rahyithun namuga shukuran.
— Saudulla Ahmed (@saudullaahmed1) October 9, 2022
ސައުދުގެ ޓުވީޓުގައި އޭނާ އިތުރަށް ވިދާޅުވެފައިވަނީ، މި މަޝްރޫއުތަކުގެ ނަތީޖާއެއްގެ ގޮތުން، ރަށުގައި ތިބެގެން ދިރިއުޅުން އާ ހަރުފަތަކަށް ގެންދިއުމަށް ފުރުސަތު ހުޅުވިގެން ހިގައްޖެ ކަމުގައެވެ.
ސަރުކާރުން ދާދިފަހުންވަނީ ގދ. ރަތަފަންދޫ ގޮނޑުދޮށް ހިމާޔަތް ކުރުމުގެ މަޝްރޫއުގެ އަމަލީ މަސައްކަތް ފަށައިފައެވެ. މިމަޝްރޫއުގެ މަސައްކަތުގެ ކޮންޓްރެކްޓަރ އެމްޓީސީސީން ބުނެފައިވަނީ މިހާރު ކުރިއަށްދަނީ ބެޑް ޕްރިޕަރޭޝަން މަސައްކަތްތައް ކަމަށެވެ.
މިމަޝްރޫއުގެ ތެރޭގައި، 461 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި، 240 މީޓަރުގެ ސަރަހައްދެއްގައި ބޭރުތޮށި ލުމާއި 6600 ކިއުބިކް މީޓަރުގެ ވެލި ގޮނޑުދޮށަށް އެޅުމުގެ މަސައްކަތް ހިމެނެއެވެ. މިމަޝްރޫއުގެ އަގަކީ 27.8 މިލިއަން ރުފިޔާއެވެ.
