މާލޭގައި ހެންވޭރުގެ ގެއަކުން ދުން އަރާތީ ގޮސް ބެލިއިރު، އެގޭގައި ދިޔައީ ބަނގުރާ ކައްކަމުންކަމަށް ފުލުހުން ބުނެފިއެވެ.
ފުލުހުން ބުނީ ހެންވޭރު ރޯޝަނީ މަގަގުގައި ހުރި ގެއަކުން ދުން އަރާކަމަށް މިއަދު ހެނދުނު 06:12 ހާއިރު ފުލުހުންނަށް ރިޕޯޓްކޮށްފައިވާކަމަށެވެ. އަދި އެމްއެންޑީއެފް އާއި ފުލުހުން އެ ގެއަށް ގޮސް ދޮރުގައި ތެޅުމުން އެއްވެސް މީހަކު ދޮރު ނުހުޅުވުމުން، ބާރުގެ ބޭނުންކޮށްގެން އެ ގެއަށް ވަދެފައިވާކަމަށް ފުލުހުން ބުންޏެވެ.
އެ ގޭތެރެއިން ދުން އަރަމުންދިޔައީ ބަނގުރާ ކައްކަމުން ދާތީކަން އެނގިފައިވާކަމަށް ފުލުހުން ބުންޏެވެ.
އަދި ބަނގުރާ ކެއްކުމަށް ބޭނުންކުރާ ގިނަ ސާމާނުތަކެއް އެގޭތެރެއިން ފެނިފައިވާކަމަށާއި، ފުލުހުން އެ ސަރަހައްދުގައި ހަރަކާތްތެރިވަމުން އަންނަކަމަށް ފުލުހުން ބުންޏެވެ.
