ދިވެހިރާއްޖޭގެ އަންނަން އޮތް ޖީލު ހައްދު ފަހައެޅި ވިސްނުމަށް ދިޔަ ނުދިނުމުގެ އެންމެ ބޮޑު ޒިންމާއެއް އޮތީ ޓީޗަރުންނަށް ކަމުގައި ރައްޔިތުންގެ މަޖިލިހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ، މިއަދު ފާހަގަ ކުރެވެމުންދާ ޓީޗަރުންގެ ދުވަހުގެ ތަހުނިޔާ ޓީޗަރުންނަށް ފޮނުއްވުމުގެ ގޮތުން ކުރެއްވި ޓުވީޓެއްގައެވެ.
މި ޓުވީޓުގައި ނަޝީދު ވިދާޅުވެފައިވަނީ ކުއްޖެއްގެ ހަޔާތުގައި ތަސައްރަފް ފުދި ބޮޑު މީހަކަށް ވަންދެން ގިނަ ވަގުތު ހޭދަކުރެވިގެން ދަނީ ޓީޗަރުންނާ އެކުގައި ކަމަށެވެ. އެހެންކަމުން މި ރާއްޖޭގެ އަންނަން އޮތް ޖީލު ހައްދުފަހަނައެޅި ވިސްނުމަށް ދޫނުކުރުމަށް އެޅެން އޮތް އެންމެ ބޮޑު ބާރެއް އެޅުއްވޭނީ ޓީޗަރުންނަށް ކަމަށްވެސް ނަޝީދުގެ ޓުވީޓުގައި ވިދާޅުވެފައި ވެއެވެ.
Kujjehge hayaathuga thasaraf fudhi bodu meehakah vandhen gina vaguthu heydhakurevigen dhanee teacherunnai ekuga. Ehenkamun mi Raajje ge annan oiy jeelu hahdhufahana elhi visnumah dhoonukurumah elhen oiy enme bodu baareh elhuvveynee teacherunah. Teacherun ge dhuvahuge thahniya
— Mohamed Nasheed (@MohamedNasheed) October 5, 2022
ނަޝީދުގެ ޓުވީޓުގައި ހައްދު ފަހަނަ އެޅި ވިސްނުމަށް އަންނަ އޮތް ޖީލުތައް ދިޔަ ނުދިނުމަށް ޓީޗަރުންނަށް ބާރު އަޅުއްވާފައިވާއިރު، ދީނާއި ގުޅުންހުރި ގިނަ ކަންކަމުގައި ދީނީ އިލްމުވެރިންނާ ނަޝީދުއާއި އަބަދުވެސް ޚިޔާލު ތަފާތުކަން ފާހަގަ ކޮށްލެވެއެވެ.
އަދި ފާއިތުވެދިޔަ އަތަރުގެ މޭމަހުގެ 6 ވަނަ ދުވަހު ނަޝީދަށް އަމާޒުކޮށް ދީފައިވާ ޓެރަރިސްޓް ހަމަލާ ދިން ފަރާތްތަކުންވެސް އެހަމަލާ ދީފައިވާ އެއް ސަބަބެއްގެ ގޮތުގައި ފާހަގަވެފައިވަނީ ދީނީ ބައެއް ކަންކަމާއި ގުޅޭގޮތުން ހުރި އުދާސްތައްކަންވެސް ފާހަގަ ކޮށްލެވެއެވެ.
