ރައީސް އިބްރާހިމް މުހައްމަދު ޞާލިހު މިއަދު ދެއްކެވި ވާހަކަފުޅުން އެމަނިކުފާނަށް އަރަންޏާ ދަރަންޏާ ރިޒާވަކީ ކޯއްޗެއްކަން އޮޅުން ނުފިލާކަން ހާމަވެގެން ގޮސްފައިވަކަމަށް އިދިކޮޅު ކޯލިޝަން ހިންގެވުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
އަންނަ އަހަރަށް ދައުލަތުން ހުށަހަޅާފައިވާ ބަޖެޓާއި ގުޅޭގޮތުން ރައީސް ޞާލިހުގެ މިއަދު ހޯރަފުށީގައި ދެއްކެވި ވާހަތަކާއި ގުޅިގެން އަބްދުއްރަހީމް ވިދާޅުވީ ރައީސް ޞާލިޙުގެ މިއަދުގެ ވާހަކައިން ކަށަވަރުވެގެން ގޮސްފައިވަނީ އެމަނިކުފާނަކީ އިޤްތިޞާދީ ކަންކަމަށް ލޯނުހުޅުވޭ އިޤްތިޞާދަށް އާބޭފުޅެއްކަމަށެވެ. އަދި އެމަނިކުފާނަށް އިޤްތިޞާދީ ގޮތުން އަރަންޏާއި، ދަރަންޏާއި، ރިޒާވަކީ ކޯއްޗެއްކަންވެސް އޮޅުން ނުފިލާކަން އެމަނިކުފާނުގެ ވާހަފުޅުން ހާމަވެގެން ގޮސްފައިވާކަމަށް އަބްދުއްރަހީމް ވިދާޅުވިއެވެ.
ރައީސް ޞާލިޙުގެ މިއަދުގެ ވާހަކައިން ކަށަވަރުވީ ކަމަކީ އޭނާއަށް ވާނުވާ ނޭނގޭކަން.އަރަންޏާ ދަރަންޏާ ރިޒާވަކީ ކޯއްޗެއްކަން އޮޅުން ނުފިލާކަން.ގޮތް ހުސްވެ ހަދާނެ ނުހަދާނެ ގޮތެއް ނޭނގިގެން ތުރުތުރު އަޅާކަން.ރައްޔިތުންގެ ކުރިމަތީ ކިތައްމެ ބޮޑު ދޮގެއް ހަދަންވެސް ޖެހިލުން ނުވާކަން.
— Abdul Raheem Abdulla (@Banafsaa) November 19, 2020
ރާއްޖޭގެ ދަރަނި ބޮޑު ކަމަށް ދައްކާ ވާހަކަ ސާފުކޮށް އެނގެން އެބަ ޖެހޭ ކަމަށް ވިދާޅުވެ ދަރަންޏާ ގުޅުވައި އިދިކޮޅުން މި ސަރުކާރަށް އަމާޒުކުރާ ފާޑުކިއުންތަކަށް ރައީސް ވަނީ މިއަދު ރައްދު ދެއްވާފައެވެ. ރައީސް ވިދާޅުވީ ކުރީގެ ރައީސް އަބްދުﷲ ޔާމީން ވެރިކަމާ ހަވާލުވެވަޑައިގަތްއިރު ރާއްޖޭގެ ދަރަނި އޮތި 26 ބިލިއަން ރުފިޔާގައި ކަމަށެވެ. ނަމަވެސް އެމަނިކުފާނުގެ ވެރިކަން 2018 ގައި ނިމުނުއިރު ދައުލަތުގެ ދަރަނި ހުރީ 60 ބިލިއަން ރުފިޔާގައި ކަމަށް ވިދާޅުވިއެވެ.
އެމަނިކުފާނު ވިދާޅުވި ގޮތުގައި ދައުލަތަށް ދަރަނި ނެގުމަކީ މި ސަރުކާރުން ކުރި ކަމެއް ނޫނެވެ. އަންނަ އަހަރުގެ ބަޖެޓުގައި ހަތަރު ބިލިއަން ރުފިޔާ ޖަހާފައި އޮތީ ކުރީގެ ސަރުކާރުތަކުން ނެގި ދަރަނިތައް ދެއްކުމަށް ކަމަށް ރައީސް ވިދާޅުވި އެވެ. އެމަނިކުފާނު ވިދާޅުވީ ދަރަނިތައް މި ސަރުކާރަށް ވާރުތަވިއިރު ދައުލަތުގެ ރިޒާވުގައި ފައިސާ ނެތް ކަމަށެވެ.
އެމަނިކުފާނު ވިދާޅުވި ގޮތުގައި ދައުލަތަށް ދަރަނި ނެގުމަކީ މި ސަރުކާރުން ކުރި ކަމެއް ނޫނެވެ. އަންނަ އަހަރުގެ ބަޖެޓުގައި ހަތަރު ބިލިއަން ރުފިޔާ ޖަހާފައި އޮތީ ކުރީގެ ސަރުކާރުތަކުން ނެގި ދަރަނިތައް ދެއްކުމަށް ކަމަށް ރައީސް ވިދާޅުވިއެވެ. އެމަނިކުފާނު ވިދާޅުވީ ދަރަނިތައް މި ސަރުކާރަށް ވާރުތަވިއިރު ދައުލަތުގެ ރިޒާވުގައި ފައިސާ ނެތްކަމަށެވެ.
ކޮމެންޓު ފޮނުވާ