ބޮލީވުޑްގެ ސުޕަސްޓަރ ސަލްމާން ޚާން ހޯސްޓް ކުރާ ރިއަލިޓީ ޓީވީ ޝޯ "ބިގް ބޮސް" ގެ 16 ވަނަ ސީޒަން މި ފެށޭ އޮކްޓޯބަރު މަހުގެ 1 ވަނަ ދުވަހު ޕްރިމިއާކުރާ ގޮތަށް ނިންމައިފިއެވެ.
މީގެ ދެ ހަފްތާއެއް ކުރިން މި ޝޯގެ ފުރަތަމަ ޕްރޮމޯ ވެސް ވަނީ ދައްކާލައިފައެވެ. މި ޕްރޮމޯގައި ފެންނަނީ ވީރާނާވެފައިވާ ގެއެއްގެ ތެރޭގައި ސަލްމާން ހަރަކާތްތެރިވާ ތަނެވެ. އަދި ޕްރޮމޯ ފެށިގެން އަންނަ އިރު، އެ ގޭގެ ތެރޭގައި އިންނަ ލޯގަނޑަކުން "ބިގް ބޮސް" ގެ އެކި ސީޒަންތަކުގެ ބައެއް ބައިވެރިން ވެސް ފެނެއެވެ.
View this post on Instagram
ކަލާސް ޗެނަލުން ގެނެސްދޭ މި ޝޯއަކީ ސަލްމާން ޚާން ގެނެސްދޭ ބެލުންތެރިންގެ މެދުގައި ވަރަށް މަގުބޫލު ޝޯ އެކެވެ. ގިނަ ބަޔަކު ބަލާ މި ޝޯގެ 16 ވަނަ ސީޒަންގައި ވެސް ތަފާތު ޓްވިސްޓް ތަކެއް ފެނިގެންދާނެ ކަމަށް ބެލުންތެރިން އުންމީދު ކުރެއެވެ. ބެލުންތެރިންގެ ބޮޑު މަޤުބޫލުކަމެއް ހޯދާފައިވާ މި ޝޯވ ދައްކަން ފަށާނެ ތާރީޚާއެކު އައު ޕްރޮމޯއެއްވެސް ވަނީ ދައްކާލާފައެވެ.
Ab Gabbar bhi lagega pyaara, jab Bigg Boss khud khelenge in season 16 👁️
Dekhiye #BiggBoss16, 1st October se, raat 9.30 baje, sirf Colors par! #BB16 #BiggBoss@BeingSalmanKhan@Chingssecret @MyGlamm @justvoot pic.twitter.com/UyYfs1q7td
— ColorsTV (@ColorsTV) September 24, 2022
"ބިގް ބޮސް" ގެ 16 ވަނަ ސީޒަން ގައި ބައިވެރި ވާނެތަރިންގެ ލިސްޓްއެއް މިހާރު ވަނީ ލީކްވެފައެވެ. ޝޯގެ ތައްޔާރީތައް ކުރިއަށް ދާއިރު، މި ފަހަރުގެ ސީޒަންގައި ވާދަކުރަނީ ކޮންކޮން ސެލެބްރިޓީންނެއް ކަމެއް އަދި މުޅިން ކަަވަރެއް ނުވެއެވެ. އެކަމަކު ޓީވީގެ ބައެއް ތަރިން ވަނީ އެ މީހުން ޝޯއިން ފެންނާނެކަމުގެ ޔަގީންކަން ދީފައެވެ.
މިދިޔަ އަހަރު "ބިގް ބޮސް 15″ ކާމިޔާބުކުރީ ކަލާޒް އިން ދައްކާ ސިލްސިލާ "ނާގިން 6″ ގެ ބަތަލާ ތޭޖާސްވީ ޕްރަކާޝްއެވެ.
