ގއ ފެރީއިން ދަތުރުކުރި ކަނޑުހުޅުދޫ ޒުވާނަކު މޫދަށްވެއްޓި މަރުވެއްޖެއެވެ.
މިއަދު ހަވީރު 5:50 ހާއިރު ހިނގި މި ހާދިސާގއި މަރުވެފައިވަނީ އެ ރަށު އުމުރުން 24 އަހަރުގެ އިރުފާން އަލީއެވެ.
ފިޓު ޖެހުމުގެ ހާދިސާތައް ދިމާވާ އެޒުވާނާ ނަގާފައިވަނީ މޫދު އެންމެ އަޑިން ވެލިގަނޑު މަތީގައި އޮއްވައެވެ. ނަގައިގެން ސިއްހީ މަރުކަޒަށް ގެންދެވުނުއިރު ވެސް ނިޔާވެފައިވާ ކަމަށް ޑޮކްޓަރުން މައުލޫމާތު ދީފައިވެއެވެ.
މައުލޫމާތު ލިބިފައިވާ ގޮތުގައި ނިޔާވެފައިވާ މި ޒުވާނާއަކީ ފެނަކައިގައި މަސައްކަތް ކުރަމުން އަންނަ ޒުވާނެކެވެ. އޭނާ މޫދަށް ވެއްޓިފައިވަނީ ފެރީގެ ފަހަތުކޮޅުގައި ހުއްޓާ ފެރީ ގެމަނަފުއްޓަށް ވަންނަން އައި ވަގުތު ފިޓު ޖެހިގެންކަމަށް މައުލޫމާތު ލިބިފައިވެއެވެ.
ކޮމެންޓު ފޮނުވާ