ޓްރާސްޕޯޓް މިނިސްޓްރީއަށް 25000 ޕާރކިންގް ވަޔަލޭޝަން ސްޓިކަރ ޗާޕްކޮށްދޭނެ ފަރާތެއް ހޯދަން އިއުލާން ކޮށްފިއެވެ.
އެމިނިސްޓްރީން މިއަދު ކޮށްފައިވާ އިއުލާނެއްގައި ބުނެފައިވަނީ މިމަސައްކަތް ކުރުމަށް ޝައުގުވެރިވެލައްވާ ފަރާތްތަކުން މިމަހުގެ 26 ވާ ހޯމަ ދުވަހުގެ ހެނދުނު 10:00 އަށް މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން (ސްޓާ ކްލައުޑް ބިލްޑިންގް 03 ވަނަ ފަންގިފިލާ) އަށް ވަޑައިގެން އަންދާސީ ހިސާބު ހުށަހެޅުއްވުން އެދޭކަމަށެވެ.
މިއިޢުލާނާ ގުޅޭ މަޢުލޫމާތު ކަރުދާސް މިއިޢުލާނާއިއެކު ގެޒެޓުގައި އެއްކަރުދާސް ކުރެވިފައިވާނެކަމަށް ވަނީ ބުނެފައެވެ. އަންދާސީ ހިސާބު ހުށަހަޅަން ޖެހޭ ދުވަހަކީ ބަންދު ދުވަހެއްކަމަށް ސަރުކާރުން ކަނޑައަޅައިފިނަމަ، ދެން އެންމެ އަވަހަށް ސަރުކާރު އޮފީސްތައް ހުޅުވާދުވަހު އަންދާސީ ހިސާބު ހުށަހަޅަން ޖެހޭނެކަމަށް ޓްރާސްޕޯޓް މިނިސްޓްރީން ވަނީ ބުނެފައެވެ.
ގިނަ އަދަދެއްގެ ޕާރކިންގް ވަޔަލޭޝަން ސްޓިކަރ ޗާޕްކޮށްދޭނެ ފަރާތެއް ހޯދަން އިއުލާން ކޮށްފައިވާއިރު މިހާރުވެސް ގިނަ އަދަދެއްގެ ސްޓިކާތައް ޖަހައި ދައުލަތަށް ދަނީ ބޮޑު އާމްނަދީއެއް ހޯދަމުންނެވެ. ކޮންމެ ސްޓިކާއަކީ 250 ރުފިޔާއެވެ.
މާލޭގައި މިނީބަސް ދުއްވަން ފެއްޓީފަހުން މަޖިދީ މަގުން އެކަނިވެސް މިހާތަނަށް ސައިކަލް ސްޓިކާއިން އެކަނިވެސް 134500 ރުފިޔާ ވަނީ ހޯދާފައެވެ.
