ބޮލީވުޑްގެ "އެވަރ ގްރީން" އެކްޓަރު އަނިލް ކަޕޫރަކީ އެނާގެ އުމުރާއި ނުގުޅެހާ ޒުވާން ކޮން ހުންނަ އެކްޓަރެކެވެ. އަދި އޭނާ އަކީ މިހާރު ޒުވާނުންނަށް މިސާލެކެވެ.
އަނިލް ކަޕޫރު ވަނި މިހާރު ދައްކަމުން އަންނަ ޑައިރެކްޓަރ ކަރަން ޖޯހަރުގެ "ކޮފީ ވިތު ކަރަން" ގެ 7 ވަނަ ސީޒަންގައި ބައިވެރިވެ ވަރަށް ގިނަ ވާހަކަތަކެއް ހިއްސާކޮށްފައެވެ.
65 އަހަރުގެ އެކްޓަރާއި އެންމެ ގިނައިން ކުރިމަތި ކުރާ އެއް ސުވާލަކީ އޭނާގެ އުމުރަށް ވުރެ ޒުވާންކޮށް ހުރުމަށް ކުރާ ކަމަކީ ކޮބައިތޯއެވެ. އަނިލް މިފަހަރު ވަނީ ވަރަށް ތަފާތު ޖަވާބެއް މި ސުވާލަށް ދީފައިއެވެ.
އަނިލް ބުނެފައި ވަނީ އެއީ އަނބި މިހާއާ އޮންނަ ގުޅުމުގެ ސަބަބުން ކަމަށެވެ. އަދި އެއީ ވަރަށް ވަރުގަދަ ބޭހެއް ކަމަށް ވެސް އޭނާ ވަނީ ބުނެފައެވެ.
View this post on Instagram
މި ޝޯވ ގައި އަނިލް ބައިވެރި ވެފައިވަނީ ވަރުން ދަވަންއާ އެކުއެވެ. ކަރަންގެ މި ޝޯއަކީ ބޮލީވުޑްގެ ތަރިންގެ ގިނަ ޒާތީ މައުލުމާތުތައް ގެނެސްދޭ ޝޯއެކެވެ. ކޮނެ ކޮނެ ގެން އެމީހުން ލައްވާ ކަރަން ގިނަ ސުވާލުތަކެއްގެ ޖަވާބު ހޯދައެވެ.
މިދިއަ މަހު އަނިލް އަށް ވަނީ ފުރަތަމަ ކާފަ ދަރިފުޅު ލިބިފައެވެ. ސޯނަމް ކަޕޫރާއި އާނަންދު އަހޫޖާގެ އަލަތު ދަރިފުޅު އަދި އަނިލް ކަޕޫރުގެ ކާފަ ދަރިފުޅު ލިބިފައިވަނީ މިދިއަ ސެޕްޓެމްބަރު މަހުގެ 20 ވަނަ ދުވަހުއެވެ.
