ސޮނީ ޓީވީގެ ރިއަލިޓީ ޝޯ "ސުޕަރސްޓާ ސިންގަރ" ގެ ދެވަނަ ސީޒަން މުޙައްމަދު ފާއިޒު ކާމިޔާބު ކޮށްފިއެވެ. ކުޑަ ކުދިންނަށް ހާއްސަ މި ޝޮވ އޭނާ ކަމިޔާބު ކުރީ  ފަސް ފައިނަލިސްޓުންނާ ވާދަކޮށްގެންނެވެ.

ވަރަށް ވާދަވެރިކޮށް ކުރިއަށް ދިޔަ މި މުބާރާތުގެ ފިނާލޭގައި މި މަހުގެ 3 ވަނަ ދުވަހު ބޭއްވި އިރު މުޙައްމަދު ފާއިޒް ވަނީ މުބާރާތުގެ އެއްވަނަ ހާސިލުކޮށް ޓްރޮފީ ނަގާފައެވެ. އެއާއި އެކު ފައިސާގެ އިނާމެއްގެ ގޮތުން 15 ލައްކަ އިންޑިއަން ރުޕީސް ލިބިފައި ވެއެވެ. އެ ޝޯގެ ދެވަނަ މަނީއަށް ލިބުނުއިރު ތިން ވަނަ ލިބުނީ ސަޔިޝާއަށެވެ.

 

View this post on Instagram

 

A post shared by Sony Entertainment Television (@sonytvofficial)

ޖޯދާޕޫރަށް ނިސްބަތްވާ އުމުރުން 14 އަހަރުގެ ފާއިޒް، ޝޯގައި އެންމެ ފުރަތަމަ ފަހަރަށް އޭނާ ކިޔާފައި ވަނީ "ހާމޯޝިއާން" އެވެ. އެއާއި އެކުގައި ޖަޖުންނާއި އޯޑިއެންސަށް އޭނާގެ އަޑު ވަރަށް ކަމުދިޔައެވެ.

އެ ޝޯގެ ޖަޖެއް ކަމަށްވާ، ލަވަކިޔުންތެރިޔާ ހިމޭޝް ރޭޝަމިއްޔާ ވަނީ އޭނާގެ ލަވައެއްގެ ބައިވެރިވުމުގެ ފުރުސަތު ވެސް ފާއިޒަށް ދީފައެވެ. މީގެ އިތުރުން އޭނާ ފާއިޒް އާއި މުހާތަބު ކޮށްފައިވަނީ "އިންޑިއާސް ޔަންގް ސިންގިން ސެންސޭޝަން"ގެ ގޮތުގައެވެ.

 

View this post on Instagram

 

A post shared by Mohammad Faiz (@mohammad.faiz_official)

ހިމޭޝްގެ އިތުރުން އަލްކާ ޔަގްނިކާއި ޖާވިދު އަލީ ޖަޖުންގެ ގޮތުގައި ބައިވެރިވި އެ ޝޯއަކީ 15 އަހަރުން ދަށުގެ ކުދިންގެ ލަވަކިޔުމުގެ ހުނަރު ދައްކުވައިދޭ ޝޯއެކެވެ.