އިޓާލިއަން ލީގުގައި ރޭ އިންޓަ މިލާން އަތުން 3-2 އިން އެންމެ ފަހުގެ ޗެމްޕިއަން، އޭސީ މިލާން މޮޅުވެއްޖެއެވެ.
އޭސީ މިލާން ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅެމުން ދިޔައީ އެޓީމުންނެވެ. މިގޮތުން އެޓީމުން ވަނީ އިންޓަ މިލާންގެ ހާފަށް ބާރުބޮޑުކޮށް ގިނަ ހަމަލާތަކެއް އުފައްދާފައެވެ. ނަމަވެސް، މި މެޗުގައި ފުރަތަމަ ލަނޑު ޖަހާ ލީޑު ނެގީ އިންޓަ މިލާން އިންނެވެ. މި ލަނޑު 21 ވަނަ މިނެޓުގައި ކޮރެއާގެ އެހީތެރިކަމާއެކު ކާމިޔާބުކުރީ ބްރޮޒޮވިޗްއެވެ. މި ލަނޑާއެކު އޭސީ މިލާން އިން ވަނީ އެޓީމުގެ އެޓޭކްތައް ވަރުގަދަ ކޮށްފައެވެ.
މިގޮތުން 28 ވަނަ މިނެޓުގައި އޭސީ މިލާން އިން ވަނީ ލަނޑެއް ޖަހައި މެޗުގެ ނަތީޖާ ހަމަހަމަ ކޮށްފައެވެ. މި ލަނޑު ޓޮނާލީގެ އެހީތެރިކަމާއެކު ކާމިޔާބުކުރީ ރަފައެލް ލިއާއޯއެވެ. މިއަށްފަހު ލީޑު ނެގުމަށްވެސް އޭސީ މިލާންއާއަށް ވަނީ ފުރުސަތުތަކެއް ލިބި ބޭކާރުވެފައެވެ.
ދެ ވަނަ ހާފްގެ ކުޅުން ފެށިގެން ފުރަތަމަ 15 މިނިޓް ތެރޭ މިލާނުން އިތުރު ދެ ގޯލު ޖެހިއެވެ. އެ ގޮތުން މެޗުގެ 54 ވަނަ މިނިޓްގައި މިލާންގެ ދެ ވަނަ ގޯލު ޖެހީ، އޮލިވިއޭ ޖިރޫޑްއެވެ. ލެއާއޯ ނެގި ހުރަހަކުން އޭރިއާތެރެއިން ޖިރޫޑް ފޮނުވާލި ބޯޅަ އަމާޒުވީ ގޯލުގެ ދުުރު ކަނަށެވެ. އޭގެ ހަ މިނިޓް ފަހުން، އިންޓަގެ ތިން ކުޅުންތެރިން ކައިރިން ދެމިގަތުމަށް ފަހު، އޭރިއާތެރެއިން ލެއާއޯ ޖެހި ބޯޅަ ވަނީ ގޯލުގެ ދުރު ކަނަށް އަމާޒުވެފައެވެ.
މިލާނުން ދެ ގޯލުގެ ލީޑެއް ނަގާފައިވަނިކޮށް އިންޓަ އަށް މެޗުގައި އުންމީދެއް ހޯދައިދިނީ އެޑިން ޖެކޯއެވެ. މެޗުގެ 67 ވަނަ މިނިޓްގައި އިންޓަގެ ފުލްބެކް، މަޓެއޯ ޑާމިއާން ނެގި ހުރަހަކުން އޭރިއާތެރެއިން ޖެކޯ ޖެހި ބޯޅަ ގޯލަށް ވަނީ ދަނޑީގައި ޖެހިފައެވެ. އިތުރު ގޯލެއް ޖަހައި، ނަތީޖާ ހަމަހަމަކުރަން އިންޓަ އިން ކުރި މަސައްކަތް ކާމިޔާބެއްނުވިއެވެ.
މި ނަތީޖާއާއެކު އޭސީ މިލާން އޮތީ ކުޅުނު ފަސް މެޗުން ލިބުނު 11 ޕޮއިންޓާއެކު ލަނޑުގެ ތަފާތުން ދެވަނައިގައެވެ. މެޗުން ބަލިވި އިންޓަ އޮތީ ކުޅުނުފ ފަސް މެޗުން ލިބުނު ނުވަ ޕޮއިންޓާއެކު ލަނޑުގެ ތަގާތުން ޕޮއިންޓް ތާވަލުގެ ހަ ވަނައިގައެވެ.
