ރ. އުނގޫފާރުގައި ފީނަން ގޮސް އުޅުނު މީހަކު މަރުވެއްޖެއެވެ.
ފުލުހުން މައުލޫމާތު ދީފައިވާ ގޮތުގައި މިއަދު ހަވީރުގެ ވަގުތެއްގައި، ރ. އުނގޫފާރުގައި މީހަކުން ފީނަން ގޮސް އުޅެނިކޮށް ގެނބިފައިވާ ކަމުގެ މައުލޫމާތު ލިބިފައި ވާކަމުގައެވެ. އަދި ފުލުހުން ވިދާޅުވެފައިވަނީ، މިކަން އިތުރަށް ބަލަމުންދާ ކަމުގައެވެ. އެހެންނަމަވެސް އެއީ ކޮން ރަށެއްގެ ކާކުކަމެއް ފުލުހުން ހާމަ ކޮށްފައެއް ނުވެއެވެ.
މައުލޫމާތު ލިބިފައިވާ ގޮތުގައި އެ މީހާ ރ. އުގޫފާރު ހޮސްޕިޓަލަަށް ގެންދިޔައިރުވެސް އޮތީ ނިޔާވެފައެވެ.
ނިޔާވި މީހާއަކީ 25 އަހަރުގެ ޒުވާނެއްކަމަށްވެސް ވަނީ މައުލޫމާތު ލިބިފައެވެ. އެހެންނަމަވެސް އެމީހާގެ ވަނަވަރެއް އަދި ލިބިފައެއް ނުވެއެވެ.
