ބިން ހެލުމުގެ އަސަރުކޮށްގެން ބައެއް އިމާރާތްތަކުން މީހުން ހުސްކޮށްފިއެވެ.
މިއަދު ހެދުނު އިންޑޮނޭޝިއާއަށް ރެކްޓަރ މިންގަނޑުން 6.0ގެ ބާރުމިނުގައި އައި މިބިންހެލުމުގެ އަސަރު ރާއްޖެއަށްވެސް ވަނީކޮށްފައެވެ. ބިން ހެލުމާއި ގުޅިގެން ހެލްތު މިނިސްޓްރީ ހިންގާ ރޯޝަނީ ބިލްޑިންވަނީ ހުސްކޮށްފައެވެ. 10 ބުރީގެ އެއިމާރާތުގައި ތިބި މުވައްޒިފުން ވަނީ ތިރިއަށް ބާލުވާފައެވެ.
މީގެ އިތުރުންވެސް އެސަރަހައްދުގެ ބައެއް ގޭތަކުންވެސް މީހުންވަނީ ތިރިއަށް ފައިބާފައެވެ. މޫސުމާއި ބެހޭ ޤައުމީ އިދާރާއިން ވިދާޅުވީ މި ބިންހެލުމުގެ އަސަރު ރާއްޖެއަށް ކޮށްފައިވަނީ ވަރަށް ކުޑަކޮށް ކަމަށެވެ.
ބިން ހެލުމާއި ގުޅިގެން މާލޭގެ ބައެއް ސަރަހައްދުތަކާއި، އަތޮޅު ތެރޭގެ ބައެއް ރަށްތަކަށްވެސް ގުޑުން އައިކަމުގެ ރިޕޯޓް ލިބިފައިވާކަމަށެވެ. ނަމަވެސް މި ބިންހެލުމާއި ގުޅިގެން ރާއްޖެއަށް މާބޮޑު އަސަރުތަކެއް ކުރާނެކަމަށް ނުބެލެވޭ ކަމުގައި މޫސުމާއި ބެހޭ ޤައުމީ އިދާރާއިން ވިދާޅުވިއެވެ.
މޫސުމާއި ބެހޭ އިދާރާއިން ވިދާޅުވީ މި ބިންހެލުމާއި ގުޅިގެން ސުނާމީއެއް އުފެދިދާނެ ކަމަށް ނުބެލެވޭކަމަށެވެ.
