ދަ އެސޯސިއޭޝަން އޮފް ބިޒުނަސް ވިމެން އިން ކޮމާސް އެންޑް އިންޑަސްޓްރީ (ABWCI)ގެ ރާއްޖޭގެ ބްރާންޗް، ފަސްޓް ލޭޑީ ފަޒުނާ އަހުމަދު މިއަދު އިފްތިތާހު ކޮށްދެއްވައިފިއެވެ.
އޭބީޑަބްލިއުސީއައި އަކީ، ވިޔަފާރިއާއި އިގްތިސާދުގެ ދާއިރާއިން އަންހެނުން ކުރިން އެރުވުމަށް މަސައްކަތް ކުރާ އިންޓަރގްރޭޓެޑް ޕްލެޓްފޯމެކެވެ.
އޭބީޑަބްލިއުސީއައިގެ ރާއްޖޭ ބްރާންޗް މިއަދު އިފްތިތާހު ކޮށްދެއްވާފައިވަނީ، މޯލްޑިވްސް ސެންޓަރ ފޯރ ސޯޝަލް އެޑިއުކޭޝަން (MCSE)ގައި ބޭއްވުނު ޚާއްސަ ރަސްމިއްޔާތެއްގައެވެ.
މި ވާޗުއަލް ގްލޯބަލް ޗެމްބަރ އޮފް ކޮމާސްއަކީ އެ ޕްލެޓްފޯމުގައި ދުނިޔޭގެ މަޝްހޫރު އަންހެން ވިޔަފާރިވެރިންނާއި، ޖަމިއްޔާތަކާއި، ތައުލިމީ މުވައްސަސާތަކާއި، އަދި އޭގެ އިތުރުން އަންހެނުންގެ ތަރައްގީއަށް އިންވެސްޓު ކުރާ ކުންފުނިތައްވެސް މެމްބަރުންގެ ގޮތުގައި ހިމެނޭ ޕްލެޓް ފޯމެކެވެ.
މި ޕްލެޓްފޯމުގެ މަގުސަދަކީ، އަންހެން ވިޔަފާރަވެރިން ކުރިއެވުމަށް ބޭނުންވާ ކަންކަން ދެނެގަތުމާއި، އަންހެނުންނަށް ވިޔަފާރީގެ ދާއިރާގައި ކުރިމަތިވާ ގޮންޖެހުންތަކާއި ކުރިމަތިލާ އަދި އޭގެ އިތުން މި ގޮންޖެހުންތަކުން އަރައިގަތުމަށް މަސައްކަތް ކުރުމުގައި ބައިނަލްއަގުވާމީ ފެންވަރެއްގައި އެހީތެރިކަން ފޯރުކޮށްދިނުމެވެ.
ABWCIގެ ރާއްޖޭ ބްރާންޗް އިފްތިތާހު ކުރުމަށްފަހު ފަސްޓްލޭޑީ ފަޒްނާވަނީ މޯލްޑިވްސް ސެންޓަރ ފޯރ ސޯޝަލް އެޑިއުކޭޝަންގައި އޮތް އަތްތެރި މަސައްކަތުގެ މައުރަޒެއް ބައްލަވާލައްވާފައެވެ.
